Zədələnərək yarışı yarımçıq tərk edən Useyn Boltun yarışdan bir neçə gün əvvəl xeyli spirtli içki içərək, səhərə qədər qadınlarla rəqs etdiyi görüntüləri ortaya çıxıb.

Boltun spirtli içki içə-içə müxtəlif qadınlarla rəqs edərək əyləndiyi görünütüləri yayılıb. Gecə həyatı ilə məşhur olan Boltun Qərbi Londonda bir dostunun evində səhərə qədər əylənməyi tərəfdarlarının sərt reaksiyasına səbəb olub.
Xatırladaq ki, bu partidən bir neçə gün sonra London Dünya Atletizm Çempionatında 4x100 metr məsafədə yarışa qatılan yamaykalı atlet zədələnərək Dünya çempionatına vaxtından əvvəl vida edib.