Kanadanın Britaniya Kolumbiyası vilayətinin Delta şəhərindəki fermaların birində dəm qazından zəhərlənən 40-dan çox insan xəstəxanaya yerləşdirilib.

Bu barədə TASS məlumat yayıb.
Hadisə istixanaların birində baş verib. Yerli səhiyyə müəssisəsinin məlumatına görə, xəstəxanaya 42 nəfər yerləşdirilib. Onlardan 10-un vəziyyəti ağırdır.
İlkin məlumata görə, kütləvi zəhərlənməyə səbəb istixananın yuyulması üçün nəzərdə tutulan cihazın qaz mühərrikinin sıradan çıxması ola bilər. Fermada 20 ildən çoxdur pomidor, xiyar və bibər yetişdirilir.