Gürcüstanın məşhur kurort bölgələrindən olan Borjomi bələdiyyəsinin ərazisində meşə yanır.

Aprelin 30-u axşam saatlarında Sairə meşəsində başlayan yanğın mayın 1-də daha da genişlənərək bir neçə hektarı əhatə edib.

Gürcüstan Fövqəladə Halların İdarəetmə Xidmətindən bildirilib ki, yanğın meşənin quru odun, ot və kolluq ərazilərində daha sürətlə yayılır.

Hadisə yerinə ağır nəqliyyat vasitələri səfərbər olunub, canlı qüvvə meşə qoruğunda yanğınla mübarizə aparılır.

Borjomi dağlıq ərazi olduğu üçün əlçatmaz dağ yamaclarında və daşlı-qayalı yerlərdə yanğınla mübarizə aparmaq çox çətindir. Külək də yanğının söndürülməsinə çətinlik yaradır.

Mayın 1-də səhər saatlarında yanğının söndürülməsinə 60 xilasetmə qrupu cəlb edilib.