Rusiya prezidenti Vladimir Putin ABŞ-ın İranla nüvə sazişindən çıxmasını tənqid edib və bildirib ki, bu, Yaxın Şərqdə sabitsizliyə səbəb ola bilər.

O, bunu “Şanxay əməkdaşlıq təşkilatı” ölkələrinin Çində keçirilən sammiti çərçivəsində bəyan edib.

Vladimir Putin qeyd edib ki, Moskva 2015-ci ildə İranla imzalanmış nüvə sazişi ilə bağlı öz öhtəliklərini yerinə yetirəcək.

“Rusiya bu planın ciddi şəkildə və ardıcıllıqla yerinə yetirilməsinə çağırır”

İranla aparıcı 6 dünya ölkəsi arasında imzalanmış bu sazişdən sonra İran nüvə proqramı üzərində işi dayandırıb və əvəzində ona qarşı beynəlxalq sanksiyalar aradan qaldırılıb.

Amma ABŞ prezidenti Donald Tramp ötən ay ölkəsinin bu sazişdən çıxdığını bəyan edərək Vaşinqton İrana qarşı sanksiyaları bərpa edib.