ABŞ mediası Kaliforniya ştatının Los-Anceles şəhəri yaxınlığındakı Tauzend-Ouk şəhərindəki bir barda atışma haqqında məlumat verir.

Gundemxeber.az xəbər verir ki, Ventura rayonunun polis departamentindən verilən məlumatlarda yaralıların olduğu deyilib.

Hadisə şahidlərinin söylədiyinə görə, naməlum şəxs bara daxil olub və atəş açmağa başlayıb. Hüquq-mühafizə orqanları 30 atəş səsinin eşidildiyini bildiriblər.

“Los Angeles Times” qəzetinin məlumatında “Borderline Bar & Grill” adlanan və yerli kantri musiqisinin çaılındığı barda tələbələrin xüsusi tədbiri keçirilirmiş.

Hadisə yerinə gələn polislər hücumda şübhəli bilinən şəxslə atışmaya başlayıblar. Polislərdən birinin atışmada yaralandığı deyilir.

“Mirror” qəzetinin məlumatına görə, atəş açan şəxs öncə bara tüstü qumbarası atıb.

Atəş zamanı barda olanlar tualet otaqlarında gizlənməyə cəhd ediblər. “ABC 7” kanalının verdiyi xəbərə görə, onlardan bir neçəsi pəncərə şüşəsini sındırıb çölə tullanmağa müvəffəq olub. Atəş zamanı içəridə yüzlərlə şəxs əsir edilib.

Son məlumata görə, bara hücum nəticəsində 12 nəfər ölüb. Hücum edən şəxs zərərsizləşdirilib.