“Gürcüstan və Azərbaycan arasında sərhədin delimitasiyası prosesinin bərpa olunmasını alqışlayıram”.

Bunu Gürcüstan prezidenti Salome Zurabişvili özünün “Twitter” mikrobloqunda yazıb.

Dövlət başçısı prosesin tezliklə nəticə verəcəyinə əminlik ifadə edib: “Əminəm ki, tərəflər iki ölkə arasında uzun illər davam edən mehriban qonşuluq və strateji tərəfdaşlıq münasibətlərini rəhbər tutacaqlar”.

Xatırladaq ki, mayın 23-24-də Bakıda Azərbaycanla Gürcüstan arasında Dövlət sərhədlərinin delimitasiyası və demarkasiyası üzrə Komissiyaların 12-ci iclası keçirilib.