İranın yarı-rəsmi ISNA xəbər agentliyi bildirir ki, İranın Xarici İşlər Nazirliyinin sözçüsü Abbas Musəvi Ukrayna təyyarəsində həlak olanların vətəndaşı olduğu ölkələrin qəzanı siyasiləşdirməkdən yayınmalı olduğunu deyib.

Təyyarədə vətəndaşlarının qəza nəticəsində həlak olan 5 ölkə Tehranın qurbanların ailələrinə təzminat ödəməli olduğunu bildiriblər. Və dünyanın Tehrandan cavab gözlədiyi barədə xəbərdalıq ediblər.

Kanada, Ukrayna, İsveç, Əfqanıstan və Britaniya Londonda rəsmi şəxslərin görüşündən sonra yaydığı açıqlamada bildirib ki, İran "hərtərəfli, müstəqil və şəffaf beynəlxalq araşdırma" aparmaq üçün şərait yaratmalıdır.