Yüngül çəkidə UFC çempionu Həbib Nurməhəmmədova Səudiyyə Ərəbistanındakı döyüş üçün rekord məbləğ təklif edilib.

Idmançının meneceri Əli Əbdüləziz şeyxlərin Nurməhəmmədova Floyd Meyvezerlə döyüşə görə 100 milyon dollar ödəməyə hazır olduqlarını bildirib. Nurməhəmmədov irland idmançı Konor Makqreqorla də döyüş keçirsə, 100 milyon dollar alacaq.

“Mən Səudiyyə Ərəbistanından olan bir neçə nəfərlə görüşdüm. Onlar Həbibin Səudiyyə Ərəbistanında Konorla döyüşü üçün 100 milyon dollar ödəməyə hazırdırlar. Onlar Həbiblə Meyvezer arasında Səudiyyə Ərəbistanında keçiriləcək döyüş üçün də 100 milyon dollar təklif edirlər”, - Əbdüləziz bildirib.

Qeyd edək ki, Nurməhəmmədovla Ferqüson arasında aprelin 19-də UFC turniri çərçivəsində döyüş keçiriləcək.