“Şuşada inşa ediləcək məktəbdə nəyə ehtiyac olarsa hamısı qarşılanacaq”.

Bunu “Report”a açıqlamasında Türkiyənin milli təhsil naziri Ziya Selçuk deyib.

Onun sözlərinə görə, bəzi dərslərin Türkiyədən gələn və ya Türkiyədə təhsil almış müəllimlər tərəfindən keçirilməsi nəzərdə tutulub:

“Bəzi dərslərin isə azərbaycanlı müəllimlər tərəfindən tədris olunması planlaşdırılır. Birlikdə bəzi layihələr həyata keçirmək və ortaq dərs keçmək arzusu da var”.

Qeyd edək ki, Prezident İlham Əliyev mayın 27-də Ziya Selçuku qəbul edib. Dövlət başçısı qəbulda bildirib ki, Rəcəb Tayyib Ərdoğanın Şuşaya gözlənilən səfəri çərçivəsində Türkiyə tərəfindən inşa ediləcək məktəbin təməlqoyma mərasiminin keçirilməsi proqramda əksini tapıb.

R.T.Ərdoğan iyunun 15-də Azərbaycana gələcək. Şuşaya səfər isə iyunun 16-na planlaşdırılıb.

Gundemxeber.az