Son 30 ildə Azərbaycan iqtisadi inkişaf baxımından böyük irəliləyiş əldə edib.

Bunu BMT-nin Azərbaycandakı Nümayəndəliyinin təmsilçisi Konako Mabuçi ADA Universitetində Azərbaycan və BMT arasında əməkdaşlığın 30-cu ildönümü münasibətilə keçirilən konfransda deyib.

Onun sözlərinə görə, Azərbaycan BMT Nizamnaməsinin prinsiplərinə hörmət edən tərəfdaşdır.

"Azərbaycan pandemiya dövründə də qlobal həmrəyliyə sadiq qalıb, pandemiya ilə mübarizədə öz töhfəsini verib", - Mabuçi bildirib.

Nümayəndə qeyd edib ki, BMT Azərbaycanın inkişafına, regionun sabitlik və dayanıqlı inkişafına dəstək verməkdə davam edəcək./"Report"/