ABŞ dövlət qurumlarının 237 min əməkdaşının Nəqliyyat Departamentindəki şəxsi məlumatları internetdə yayılıb.

Gundemxeber.az xarici mediaya istinadla bildirir ki, bu barədə qurumun ABŞ Konqresinə göndərdiyi məktubda bəyan edilib.

Bildirilir ki, məlumatların sızması “TRANServe” imtiyazların işlənməsi sistemində baş verib. Bu sistem dövlət qulluqçularının yolpulu xərclərinin bir hissəsini kompensasiya edir.

Məlumatların cinayət məqsədləri üçün istifadə edilib-edilmədiyi məlum deyil.

Sistemə giriş dondurulub. Faktla bağlı araşdırma aparılır.

Nəqliyyat Departamentindən bildirilib ki, məlumatların sızdırılması nəqliyyatın özündə heç bir təhlükəsizlik sisteminə təsir etməyib, lakin haker hücumuna kimin cavabdeh olduğu açıqlamayıb.

GUNDEMXEBER.AZ