Türkiyənin Seçki Komissiyasının rəhbəri ölkədə prezident seçkilərinin ikinci turunun mayın 28-də keçiriləcəyini açıqlayıb, bazar ertəsi Anadolu agentliyi xəbər verir.

Gundemxeber.az-in xarici mediaya istinadla məlumatına görə, indiyədək səslərin 99,87%-i hesablanıb. Türkiyənin hazırkı prezidenti Rəcəb Tayyib Ərdoğan 49,5%, onun rəqibi Kamal Kılıçdaroğlu isə 44,89% səs toplayıb. Məhz onlar seçkilərin ikinci turunda dövlət başçısı postu uğrunda mübarizə aparmalı olacaqlar.

“Anadolu” onu da yazır ki, Türkiyədə seçkilərdə seçici fəallığı 88,92%, xaricdə isə 52,69% olub.

Bundan əvvəl xəbər verilmişdi ki, yenidən Türkiyə prezidenti seçilməsinə nail olmağa çalışan Ərdoğan ölkənin 81 vilayətindən 51-də, eləcə də xaricdə yaşayanlar arasında səsvermədə qalib gəlib. Ölkənin mərkəzi hissəsində yerləşən əyalətlərdə prezident qalib gəlib.

Onun rəqibi Kılıçdaroğlu Aralıq dənizi və Egey dənizi sahillərində yerləşən kurort əyalətlərində, eləcə də ölkənin əyalətlərində və ən böyük şəhərlərində - İstanbul və paytaxt Ankarada dəstəklənib. Müxalifətçi həm də kürd əhalisinin cəmləşdiyi Suriya, İraq və İranla həmsərhəd olan cənub-şərqdə hazırkı prezidentə qalib gəlib.

Gundemxeber.az