GUNDEMXEBER.AZ xəbər verir ki, bunu Avropa İttifaqının Gömrük İttifaqında islahatlarla bağlı Avropa Komissiyasının təkliflərini təqdim edən AK-nın iqtisadiyyat üzrə komissarı Paolo Gentiloni deyib.

"Avropa İttifaqının ayrı-ayrı ölkələrinin gömrük sistemlərindəki fərqlər sanksiyalardan yan keçmək istəyənlərə bu sistemlərdəki boşluqlar əlavə imkanlar verir. Ticarət yolu ilə sanksiyalardan yayınmağın müəyyən formaları var. Dünən Aİ-nin İqtisadi və Maliyyə Şurasında biz bunu təqdim etdik. Aİ-dən bir sıra Mərkəzi Asiya ölkələrinə, Ermənistan, Qazaxıstan, Qırğızıstana ixracda aşkar artım var və bu ölkələrdən Rusiyaya ixracda təxminən eyni artım müşahidə olunur", deyə Paolo Gentiloni bildirib.

Avropa komissarı Aİ-nin Qazaxıstana ixracında 185 milyon avro artım müşahidə etdiyinə diqqət çəkərək, "Qazaxıstandan Rusiyaya ixrac isə 186 milyon artıb. Mən heç kimə barmaqlarımı göstərmirəm, amma hər şey göz qabağındadır”, deyib.

GUNDEMXEBER.AZ