Cənubi Koreya Ukraynaya öldürücü silahların tədarükü ilə bağlı siyasətini dəyişməyib. Bu barədə bazar ertəsi ölkənin Milli Müdafiə Nazirliyinin rəsmi nümayəndəsi Çunq Ha-qyu məlumat verib.

Yonhap xəbər agentliyi onun sözlərini sitat gətirib: "Hökumətin mövqeyində Koreya Respublikasının öldürücü silahlar tədarük etməməsi ilə bağlı heç bir dəyişiklik yoxdur".

İyulun 15-də Cənubi Koreya prezidenti Yoon Seok-yeol elan olunmamış səfərlə Ukraynaya gəlib. Kiyevdə keçirilən sammitin yekunlarına dair mətbuat konfransı zamanı o, Ukraynaya hərbi yardımı artıracağını bildirib, lakin öldürücü silahlar barədə heç nə deməyib. Sonradan məlum oldu ki, Seul daha çox minatəmizləmə texnikası tədarük etməyi planlaşdırır.

Cənubi Koreya lideri həmçinin təhlükəsizlik sektorunda, ölkənin yenidən qurulması layihələrində və humanitar sahədə Cənubi Koreyanın yardımını ehtiva edən “Ukraynada Həmrəylik və Sülh Təşəbbüsü”nü təqdim edib.

Sammitdən əvvəl Koreya Respublikası liderinin administrasiyasının əməkdaşı bildirib ki, Cənubi Koreya tərəfi prezidentin Ukraynaya səfəri zamanı Kiyevlə Seulun prinsiplərinə zidd olmayan yardım tədbirlərini müzakirə edəcək.

Koreya Respublikası Ukraynaya humanitar və maliyyə yardımı göstərib, mina detektorları və zireh kimi qeyri-öldürücü hərbi təyinatlı əşyalar verib, lakin silah tədarük etməyib. Aprel ayında Yoon Seok-yeol demişdi ki, Seul “müharibə qanunlarının kobud şəkildə pozulması” halında silah tədarük edə bilər.

Tərcümə etdi; Gundemxeber.az