Bazar ertəsi Əl Ərəbiyyə xəbər verir ki, ABŞ, İranın hərəkətləri ilə bağlı artan gərginlik fonunda, USS Thomas Hudner esminesini idarə olunan raket silahları ilə Yaxın Şərqə göndərib.

"USS Thomas Hudner idarəolunan raket esminesi iyulun 14-də Süveyş kanalından keçdikdən sonra Yaxın Şərqə gəlib. Gəmi ABŞ Hərbi Dəniz Qüvvələrinin Beşinci Donanmasının dəniz təhlükəsizliyini və sabitliyini qorumaq səylərinə töhfə verir", - Beşinci Donanmanın bəyanatında deyilir. ..

İyulun əvvəlində ABŞ komandanlığı İran hərbçilərini Hörmüz boğazında iki neft tankerini saxlamağa cəhd etməkdə ittiham etmişdi. Tehran bu ittihamları rədd edib. Daha sonra ABŞ həmçinin iddia etdi ki, İslam İnqilabı Keşikçiləri Korpusu Fars körfəzində beynəlxalq sularda Tanzaniya bayraqlı tankeri ələ keçirib.

Bundan əvvəl ABŞ-ın bir qrup F-16 qırıcısını Fars körfəzinə yerləşdirdiyi də məlum olub. Bundan əlavə, ötən həftə Amerikanın A-10 hücum təyyarələri Hörmüz boğazı üzərindən uçub.

Tərcümə Gundemxeber.az