Şahzadə Harri və Meqan Markl bir müddət ayrılıb müxtəlif qitələrdə yaşamaq qərarına gəliblər.

Gundemxeber.az xarici mediaya iatinadla bildirir ki, səbəb maliyyə çətinlikləri göstərilir - Çarlz və Diananın kiçik oğlu mirasın əhəmiyyətli bir hissəsini almayıb.

Bildirilir ki, cütlük 14 milyon dollarlıq malikanə də daxil olmaqla, həm öz təhlükəsizlikləri, həm də Kaliforniyada dəbdəbəli həyata çoxlu pul xərclədikləri üçün ağır maliyyə yükü altındadırlar. Bu stresli vəziyyətə görə Meqanla Harri ayrı yaşamağa - davam etmək üçün güc toplamağa qərar veriblər.

Başqa bir anonim mənbə mediaya cütlüyün Montesitodakı evlərini satdıqlarını və Şahzadə Harrinin başqa yerdə tək yaşadığını deyib. Amma ailəyə yaxın mənbə bildirib ki, onların ayrılması ilə bağlı yayılan xəbərlər yalandır.

Hazırda Şahzadə Harri özünün ikinci vətəni hesab etdiyi Afrikaya getməyi və yeni sənədli film üzərində işləməyi planlaşdırır.

Gundemxeber.az