Rusiyanın “İrAero” aviaşirkəti Ufadan Bakıya birbaşa müntəzəm uçuşlar həyata keçirəcək.

Gundemxeber.az bildirir ki, bu barədə şirkətdən xəbər verilib.

Bildirilib ki, Başqırdıstanın paytaxtından Azərbaycanın paytaxtına ilk uçuş 2024-cü il aprelin 4-də həyata keçiriləcək.

Uçuşlar həftədə bir dəfə - cümə axşamı günlərinə planlaşdırılır.

Təyyarə Bakıdan yerli vaxtla səhər saat 06:20-də yola düşəcək və saat 10:00-da Ufa hava limanına enəcək. Daha sonra saat 11:00-da Başqırdıstandan havaya qalxan təyyarə saat 12:40-da Bakıda Heydər Əliyev Beynəlxalq Aeroportuna çatacaq. Şəhərlər arasında səyahət müddəti 2 saat 40 dəqiqədir.

O da qeyd olunub ki, Ufa-Bakı reyslərinə biletləri aviaşirkətin rəsmi saytından və agentlərdən əldə etmək olar. Birtərəfli uçuşda ən büdcəli tarif qiyməti təxminən 13 000 rubl (təxminən 240 manat) təşkil edir (baqajla uçuşun qiymətidir).

Məlumatda vurğulanıb ki, Rusiya vətəndaşları Azərbaycana səfər etmək üçün ölkədə 90 gündən artıq qalmaq niyyətində deyillərsə, vizaya ehtiyac yoxdur.

Xatırladaq ki, hazırda “Azerbaijan Airlines” və “Utair” də analoji uçuş proqramı həyata keçirir.

Bundan əvvəl xəbər verilib ki, aprelin 3-dən Rusiyanın Çelyabinsk şəhəri və Bakı arasında müntəzəm reyslər açılacaq. Həmçinin  “İrAero” aviaşirkəti Krasnoyarskdan Azərbaycana əlavə reys açır.

Gundemxeber.az