Böyük aviaşirkətlər təhlükəsizlik qaydalarını sərtləşdirə bilər və sərnişinlər uçuş boyu təhlükəsizlik kəməri taxmalı olacaqlar.

Gundemxeber.az xarici mediaya istinadla bildirir ki, səyahət eksperti Pol Çarlz deyib ki, təqdim olunarsa, bu, iki onillikdə təhlükəsizlik qaydalarına edilən ən əhəmiyyətli dəyişikliklərdən biri olacaq.

“Emirates” aviaşirkətinin prezidenti Tim Klarkın sözlərinə görə, bütün sərnişinlərin uçuşlar boyu təhlükəsizlik kəmərlərini bağlı saxlaması üçün aviaşirkətlər bu addımı atmalı olacaq.

Bu yaxınlarda hava boşluğuna düşən təyyarənin sərnişinləri təhlükəsizlik kəmərlərinin açıq olması səbəbindən göyərtədə sərt şəkildə sağa-sola, yuxarı-aşağı yuvarlanmışdılar, nəticədə 1 nəfər ölmüş, 30-a yaxın sərnişin xəsarət almışdı.

Gundemxeber.az