Ukrayna bir gecədə 5 raket və 23 PUA hücumu daxil olmaqla 28 hava hədəfini vurub.

Gundemxeber.az xarici mediaya istinadən xəbər verir ki, bu barədə Ukrayna Hərbi Hava Qüvvələri məlumat yayıb.

Qeyd olunub ki, iyunun 27-nə keçən gecə ruslar “Kalibr”, “Kinjal”, “X-59/X-69” da daxil olmaqla hava və dəniz raketlərindən, həmçinin “Şahed” pilotsuz uçan aparatlarından istifadə etməklə Ukraynaya zərbələr endirib.

Məlumata görə, Rusiya ümumilikdə 6 müxtəlif tipli raketdən və 23 PUA-dan istifadə edib:

1 aeroballistik raket X-47 M2 "Kinjal" (Rusiyanın Tambov vilayətinin hava məkanından);

4 qanadlı raket "Kalibr" (Qara dənizin şimal-şərq hissəsindən);

1 ədəd “X-59/X-69” idarə olunan təyyarə raketi (Rusiyanın Kursk vilayətinin hava məkanından);

"Şahed-131/136" tipli 23 hücum PUA-sı (atma sahəsi - Primorsko-Axtarsk, Rusiya Federasiyası).

Qeyd olunub ki, Ukrayna ordusu "Kinjal"dan başqa bütün hədəfləri məhv edib.

Gundemxeber.az