Gundemxeber.az » Dünya » Dünya liderlərindən Baydenin qərarına İLGİNC REAKSİYA
Müxtəlif ölkələrin liderləri ABŞ rəhbəri Co Baydenin prezidentlik yarışından geri çəkilmək qərarı ilə bağlı bir sıra bəyanatlar veriblər.
Gundemxeber.az xəbər verir ki, “Mən prezident Baydenin qərarına hörmət edirəm və ümid edirəm ki, onun prezidentlik müddətinin sonuna qədər birlikdə işləyəcəyik”, - deyə Böyük Britaniyanın yeni baş naziri Kir Starmer deyib.
O, prezident Baydenin “Amerika xalqının ən yaxşı maraqlarına uyğun olduğuna inandığına əsaslanaraq qərar verdiyinə” əmin olduğunu bildirib.
Almaniya kansleri Olaf Şolts Co Baydenin NATO-nun güclənməsinə töhfə verdiyini deyib.
“ABŞ özünü yaxşı və etibarlı tərəfdaş kimi göstərdi. Co Bayden çox şeyə nail olub: ölkəsi, Avropa, dünya üçün. Onun yenidən namizədliyini irəli sürməmək qərarı təqdirəlayiqdir”, - deyə Almaniya hökumətinin başçısı bildirib.
Norveçin baş naziri Yonas Qar Störe Baydenin “son onilliklər ərzində ən görkəmli ABŞ siyasətçilərindən biri və bir sıra mühüm islahatlar aparan prezident olduğunu” deyib.
İrlandiyanın baş naziri Simon Harris “Network X” hesabında Baydenə “qlobal liderliyinə və dostluğuna” görə təşəkkür edib.
Polşa və Çexiyanın hökumət başçıları Donald Tusk və Petr Fiala sosial şəbəkələrdə prezident Co Baydenə müraciət ediblər.
“Cənab Prezident, Siz dəfələrlə Polşanı, Amerikanı və dünyanı daha təhlükəsiz edən, demokratiya və azadlığı gücləndirən çətin qərarlar qəbul etmisiniz. Bilirəm ki, həyatınızın bəlkə də ən çətin qərarını verəndə eyni prinsipləri rəhbər tutmusunuz”, - deyə Tusk yazıb.
“Bu, şəxsi nöqteyi-nəzərdən məsuliyyətli və çətin addımdır və buna görə də daha qiymətlidir. Mən ABŞ-ın iki güclü və bərabər namizədin demokratik rəqabəti nəticəsində yaxşı prezident seçəcəyinə inanıram”, - deyə Fiala bildirib.
İspaniyanın baş naziri Pedro Sançesin sözlərinə görə, “Co Baydenin qətiyyəti və liderliyi sayəsində Birləşmiş Ştatlar COVID-19 pandemiyasından sonra iqtisadi böhranı dəf edib və Putinin təcavüzü qarşısında Ukraynaya nümunəvi dəstək verib”.
“Cəsarətli və layiqli qərarına görə ona heyranlığımı və təşəkkürümü bildirirəm”, - deyə İspaniya lideri qeyd edib.
Gundemxeber.az
25-01-2021, 10:24
18-01-2021, 10:01
26-04-2021, 14:27
1-07-2024, 11:00
16-01-2021, 17:16
Sorğu
Hansı Antivirusdan istiafdə edirsiniz?