Parisdə Notr-Dam kilsəsinin yenidənqurmadan sonra açılış mərasimi baş tutub. Yanğından sonra binanın bərpası beş il çəkib. 

GundemXeber.Az xarici mediaya istinadən xəbər verir ki, tədbirdə Fransa Prezidenti Emmanuel Makron, ABŞ-nin yeni seçilmiş Prezidenti Donald Tramp, Almaniya Prezidenti Frank-Valter Ştaynmayer, Britaniya şahzadəsi Uilyam, milyarder İlon Mask, İtaliyanın Baş naziri Corcia Meloni, Ukrayna Prezidenti Volodimir Zelenski və digər siyasətçilər iştirak ediblər.

Qeyd edək ki, 2019-cu il aprelin 15-də Parisdəki Notr-Dam kilsəsində güclü yanğın baş verib. 12 saat ərzində yanğını idarə etmək mümkün olmayıb. Nəticədə kafedralın bir hissəsi dağılıb.

Prokurorluğun məlumatına görə, yanğına elektrik cərəyanındakı nasazlıq və ya söndürülməmiş siqaret səbəb ola bilər.

GundemXeber.Az