ABŞ prezidenti Donald Trampın yanvar ayının sonunda İsrailə tədarük qadağasını ləğv etdiyi 2 000 funt (təxminən 907 kq) çəkisi olan "MK-84" ağır aviasiya bombalarından ibarət partiya dəniz yolu ilə İsrailə çatdırılıb və Aşdod limanında boşaldılıb.

GUNDEMXEBER.AZ xəbər verir ki, bu barədə yəhudi dövlətinin Müdafiə Nazirliyinin mətbuat xidməti məlumat yayıb.

"ABŞ hökuməti tərəfindən bu yaxınlarda təsdiqlənmiş ağır aviasiya bombalarından ibarət partiya İsrailə gətirilib. "MK-84" tipli ağır döyüş sursatlarını daşıyan gəmi Aşdod limanında lövbər salıb və boşaldılıb. Sursatlar onlarla yük maşınına yüklənərək İsrail Hərbi Hava Qüvvələrinin bazalarına daşınıb", – deyə bəyanatda bildirilir.

GUNDEMXEBER.AZ