"2022-ci il oktyabrın 6-dan bəri forpostun baş naziri vəzifəsini icra etmirəm".

Gundemxeber.az xarici KİV-ə istinadən xəbər verir ki, bu sözləri Ermənistanın baş naziri Nikol Paşinyan deyib.

Belə ki, o, Ermənistanın Qarabağı Azərbaycanın tərkib hissəsi kimi tanıdığı Praqa Bəyannaməsinin imzalanmasına işarə edib. Paşinyanın sözlərinə görə, bu qərar ölkənin müasir tarixində dönüş nöqtəsi və əsl müstəqilliyə keçidin simvolu olub.

Paşinyan öz təbirincə Ermənistanın əvvəllər forpost olduğu ölkənin adını çəkməsə də, onun Rusiya barədə danışdığı açıq-aydın görünür. O, Ermənistanın ərazi bütövlüyünü rəsmən tanıyan ilk erməni lider olduğunu vurğulayıb.

Gundemxeber.az