Ukrayna prezidenti Volodimir Zelenski milli yaddaş sahəsini hərtərəfli tənzimləyən qanunu imzalayıb. Sənəd “Raşizm” terminini hibrid totalitar ideologiya kimi müəyyən edir.

Gundemxeber.az xəbər verir ki, bu barədə "RBC-Ukrayna" 13273 saylı qanun layihəsinə istinadən məlumat yayıb.

Qanuna görə: “Raşizm Rusiya faşist totalitar rejiminin əsasını təşkil edən və rus şovinizmi, imperializmin ənənələri, həmçinin kommunist və nasist totalitar rejimlərinin təcrübələrinə söykənən totalitar ideologiya və praktikadır”.

Qanunun izahında vurğulanır ki, Rusiya Ukraynaya qarşı hərbi təcavüzə başladıqdan sonra tarixi faktlarla sistemli şəkildə manipulyasiya edir. Kreml Ukrayna tarixini təhrif etməyə, “ümumi irs” konsepsiyasını irəli sürməyə və kvazitarixi povestlərlə müharibəni legitimləşdirməyə çalışır.

Qəbul edilmiş qanun anti-Ukrayna təbliğata qarşı mübarizə aparmaqla yanaşı, cəmiyyəti keçmişin ümumi anlayışı ətrafında birləşdirməyi hədəfləyir.

Gundemxeber.az