GundemXeber

  • Əsas Səhifə
  • GündəmXəbər
  • Ölkə
    • Cəmiyyət
    • Bölgə xəbərləri
    • Mədəniyyət
    • Kirminal
    • Hadisə
  • Siyasət
  • İqtisadiyyat
  • İdman
  • Maraqlı
  • Maqazin
  • Müsahibə
  • Dünya

Gundemxeber.az » GündəmXəbər » Gənclər Fondunun MÜƏMMA DOLU tenderləri... - 5 manatlıq şirkətlər necə qalib olur?

Gənclər Fondunun MÜƏMMA DOLU tenderləri... - 5 manatlıq şirkətlər necə qalib olur?

Tarix: 27-02-2020, 11:11 Bölmə :GündəmXəbər / Manşet Baxış: 471
Gənclər Fondunun MÜƏMMA DOLU tenderləri... - 5 manatlıq şirkətlər necə qalib olur?


Azərbaycanda xüsusi önəm verilən əsas istiqamətlərdən birinin də gənclər siyasətinin olduğu deyilir.

Azərbaycan dövlətinin gənclərlə bağlı yürütdüyü siyasətin təməli ulu öndər Heydər Əliyevin müstəqil Azərbaycana rəhbərlik etdiyi illərdə - 1996-cı ildə ölkədə ilk dəfə Azərbaycan gənclərinin forumun keçirilməsi və 1997-ci ildə ümummilli liderin imzaladığı fərmanla 2 fevral tarixinin ölkədə Gənclər Günü kimi qeyd olunması ilə qoyulub.

Prezident İlham Əliyevin 2005-ci ildə 2005-2007-ci illəri əhatə edən "Azərbaycan Gəncliyi Dövlət Proqramı"nı və "2007-2015-ci illərdə Azərbaycan Gənclərinin təhsili üzrə Dövlət Proqramı"nı təsdiq etməsi bu sahədə aparılan işləri sürətləndirib.

Hazırda fəaliyyət istiqaməti dövlət və cəmiyyət üçün əhəmiyyət kəsb edən, regional və beynəlxalq, eləcə də incəsənət sahəsində layihələrə dəstək verən qurumlardan ən əsası Azərbaycan Respublikasının Prezidenti yanında Gənclər Fondudur.

Prezident İlham Əliyevin dövlət idarəetməsinin təkmilləşdirilməsi ilə bağlı apardığı islahata uyğun olaraq qurum 2018-ci ildə dövlət başçısının müvafiq fərmanı ilə "Azərbaycan Respublikasının Gənclər Fondu” publik hüquqi şəxs kimi fəaliyyət göstərir.

Qlobal.az-ın budəfəki araşdırması Azərbaycan Respublikasının Gənclər Fondunun 2018-ci ilin yanvar ayından-2019-cu ilin oktyabr ayınadək olan dövrü əhatə edir.

Öncə qeyd edək ki, Fondun göstərilən tarix üzrə sifarişçi olduğu satınalmaların ümumi məbləği 1.352.062 (bir milyon üç yüz əlli iki min altmış iki) manat təşkil edir.

Ümumilikdə 20 (iyirmi) lot üzrə həyata keçirilən satınalmalarda qalib olan şirkətlərin böyük əksəriyyətinin fəaliyyəti şübhəli məqamlardan ibarətdir.

Fərqli zaman, dəyişməyən rəqəm, qalib eyni şirkət...

Gənclər Fondunun sifarişçi olduğu ən son satınalmaya 2019-cu ilin avqust ayının 7-də yekun vurulub. 49.200 manat məbləği olan "Gənclər günü münasibəti ilə tədbirin təşkili işləri” adlı lotun qalibi "Vertak" Məhdud Məsuliyyətli Cəmiyyəti olub.

Nə təsadüfdürsə "Vertak" Məhdud Məsuliyyətli Cəmiyyəti 2019-cu ilin yanvar ayının 29-da da Gənclər Fondunun sifarişçi olduğu satınalmanın qalibi olub.

"Gənclər günü münasibəti ilə tədbirin təşkili işləri” üzrə keçirilən bu satınalmanın da məbləği 49.200 manat təşkil edib.

"Vertak" Məhdud Məsuliyyətli Cəmiyyəti 2018-ci ilin oktyabr ayının 4-də təsis edilib.

Hüquqi ünvanı Bakı şəhəri, Nəsimi rayonu, 28 may, ev 11 mənzil 5 ünvanı olan şirkətin qanuni təmsilçisi Həziyev Natiq Əli oğludur.

"Vertak" MMC-nin fəaliyyət profili barədə heç bir məlumat yoxdur.

Beş manat nizamnamə kapitalı olan şirkətin hazırda dövlətə olan vergi borcu 845.819 manat təşkil edir.

Yenə 5 manatlıq şirkət, 34 minlik satınalma...

Gənclər Fondunun 2019-cu ildə sifarişçi olduğu daha bir satınalma aprel ayının 12-də həyata keçirilib. "Dəftərxana və təsərrüfat mallarının sanınalınması" lotu üzrə keçirilən bu satınalmanın məbləği 34.251 manat, qalibi isə "Silver-DT" Məhdud Məsuliyyətli Cəmiyyəti olub.

2017-ci ildə təsis edilən MMC-nin fəaliyyəti barədə, hansı lisenziyaya sahib olub-olmaması barədə heç bir informasiya yoxdur.

Beş manat nizamnamə kapitalı olan şirkətin hüquqi ünvanı Cəbrayıl rayonunun Xələfli kəndi (9 saylı qəsəbə), qanuni təmsilçisi 1983-cü il təvəllüdlü Hüseynov Şəmsi Məhəmməd oğludur.

2 manatlıq şirkət, 293 min manatlıq silsilə tədbirlər...

Gənclər Fondunun 2018-ci ilin noyabr ayının 2-də daha bir satınalma həyata keçirib. "Gənclərlə silsilə tədbirlərin keçirilməsi xidmətləri" lotu üzrə keçirilən tenderin məbləği 293.612 manat, satınalmanın qalibi isə "Liverpul" Məhdud Məsuliyyətli Cəmiyyəti olub.

Maraqlıdır ki, 2007-ci ildə təsis edilən "Liverpul" MMC-nin fəaliyyəti barədə heç bir informasiya yoxdur. Şirkətin maddi-texniki bazası barədə, əmək müqaviləsi ilə çalışan işçilərinin sayı barədə də məlumat yoxdur.

İki manat nizamnamə kapitalı olan "Liverpul" MMC-nin hüquqi ünvanı Ağcabədi rayonu, Taxtakörpü qəsəbəsi qanuni təmsilçisi isə Məmmədov Səlimxan Rəşid oğludur.

296 minlik tender - 30 min borclu qalib...

Gənclər Fondunun 2018-ci ilin noyabr ayının 2-də "Digər maşın və avadanlıqlar" lotu üzrə daha bir satınalma həyata keçirib. Bu satınalmanın məbləği 296.486 manat, qalibi isə "Neptun Təchizat" MMC olub.

2018-ci ilin may ayının 30-da təsis edilən şirkətin hüquqi ünvanı Sumqayıt şəhəri, Corat qəsəbəsidir.

On manat nizamnamə kapitalı olan "Neptun Təchizat" MMC-nin qanuni təmsilçisi 1984-cü il təvəllüdlü Orucov Kamil Maşalla oğludur.

Fəaliyyəti barədə informasiya olmayan "Neptun Təchizat" MMC-nin hazırda dövlətə olan vergi borcu 30.927 manat təşkil edir.

Fərqli lotlar, eyni gündə və eyni hüquqi ünvanda yaranan qalib MMC-lər...

Gənclər Fondu 2018-ci ilin avqust ayının 10-da daha iki satınalmaya yekun vurub. "Tədbirin təşkili işləri" lotu üzrə sifariş olunan satınalmanın məbləği 17.084 manat, qalibi "Exomars" MMC, "reklam və çap məhsulları" lotu üzrə həyata keçirilən satınalmanın məbləği 14.851 manat, qalibi isə Rights-BS MMC olub.

Maraqlıdır ki, eyni gündə Gənclər Fondunun sifarişçi olduğu satınalmaların qalibi olan hər iki şirkət eyni gündə - 2018-ci ilin iyun ayının 5-də təsis edilib.

Hər iki şirkətin hüquqi ünvanı eynidir - Goranboy rayonu, Qaradağlı kəndi.

Hər iki şirkətin nizamnamə kapitalı beş manat təşkil edir.

Hər iki şirkətin fəaliyyətləri barədə heç bir informasiya yoxdur. Goranboy rayonu, Qaradağlı kəndində də bu şirkətlərdən xəbərsizdirlər.

"Exomars" MMC-nin hazırda vergi borcu 2476 manat, "RIGHTS-B.S" MMC-nin vergi borcu isə 1256 manat təşkil edir.

Yenə 5 manatlıq şirkət, silsilə tədbirlər, qalib sahibi vəfat etmiş şirkət...

2018-ci ildə Gənclər Fondu daha iki satınalma həyata keçirib. Fondun 2018-ci ilin iyun ayının 1-də sifarişçi olduğu "Dəftərxana və təsərrüfat malları" lotu üzrə keçirilən satınalmanın məbləği 26.331 manat, qalibi isə "Truck Plus" MMC olub.

2018-ci ilin may ayının 25-də Fond daha bir satınalmaya imza atıb. "Tədbirin keçirilməsi işləri" üzrə keçirilən satınalmanın məbləği 9812 manat təşkil edib. Bu satınalmanın qalibi "Tritan Co" MMC olub.

Hər iki şirkətin nizamnamə kapitalı eynidir - 5 manat.

2017-ci ildə təsis edilən "Truck Plus" MMC-nin hüquqi ünvanı Saatlı rayonu Qıraqlı kəndi, "Tritan Co" MMC-nin hüquqi ünvanı isə Şirvan şəhəri Hacı Qəhrəmanlı qəsəbəsidir.

Hər iki şirkətin rəhbəri eyni şəxsdir- Qaffarova Qələnfir Bəşarət qızı.

Əldə etdiyimiz məlumata görə Qələnfir Qaffarova vəfat edib. Vəfat etdiyi tarixə qədər isə bu xanımın Şəki rayonunun Oxud kəndində ağır güzəran şəraitində yaşadığı deyilir.

"Truck Plus" MMC-nin dövlətə olan vergi borcu hazırda 15.421, "Tritan Co" MMC-nin vergi borcu isə 78.018 manat təşkil edir.

Fond sabiq deputatın qardaşıyla da əməkdaşlıq edir...

Əlbəttə, haqlı olaraq sual oluna bilər ki, Gənclər Fondunun 2018-2019-cu illər ərzində sifarişçi olduğu satınalmalarda heçmi mövcud qanunvericiliyə uyğun şirkət iştirak etməyib. Obyektivlik naminə qeyd edək ki, araşdırmamız zamanı Fondun həyata keçirdiyi satınalmalarda qalib elan edilən şirkətlər arasında qanunvericiliyə uyğun olaraq fəaliyyət göstərən şirkətə də rast gəldik.

Belə ki, Gənclər Fondunun 2018-ci ilin noyabr ayının ikisində "Sosial video çarxların çəkilişi işləri, müxtəlif bukletlər, kitabçalar, flayerlər, rolaplar və sair reklam (tanıtım) xarakterli mallar" lotu üzrə, 293.825 manat məbləği olan tenderin qalibi "Peachline" MMC olub.

"Peachline" MMC Fondun 2018-ci ilin iyun ayının 21-da sifarişçi olduğu daha bir satınalmanın qalibi elan edilib. "Tədbirin təşkili" üzrə sifariş olunan satınalmanın məbləği 31.820 manat təşkil edib.

"Peachline" MMC 2009-cu ildə təsis edilib.

Şirkətin web ünvanında "Peachline" MMC-nin brendlərinin yaradılması, irəliləməsi, qrafik dizayn, video, radio reklam çarxlarının və sənədli filmlərin yaradılması üzrə çalışdığı qeyd edilib.

Nizamnamə kapitalı 20 manat olan şirkətin hüquqi ünvanı Nəsimi rayonu, Nizami, 121, ev 16 ünvanı, şirkətin qanuni təmsilçisi isə 1975 ci il təvəllüdlü Fətiyev Elruz Nuru oğludur.

Məlumata görə, Elruz Fətiyev Milli Məclisinin deputatı Xanlar Fətiyevin qardaşıdır.

Yuxarıda qeyd olunanlara Gənclər Fondundan münasibət öyrənməyə çalışsaq da, Fond heç bir münasibət bildirmədi.

Qlobal.az Gənclər Fondunda 2018-2019-cu illər üzrə audit aparılıb-aparılmamasını aydınlaşdırmaq üçün Hesablama Palatasına məktub ünvanlayıb.

Hesablama Palatasının İcmal büdcə və strateji təhlil şöbəsinin müdiri Vəfa Mütəllimovanın imzası ilə fevral ayının 12-də Qlobal.az-a göndərilən məktubda 2018-2019-cu illər ərzində Hesablama Palatasının Gənclər Fondunda audit aparmadığı qeyd olunur.

Gundemxeber.Az
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  • 0
  • 1
  • 2
  • 3
  • 4
  • 5
Geri

Oxşar yazılar :

    
  • Əli Həsənov: “Bu forumun keçirilməsi Azərbaycan gənclərinin dünya gəncləri sırasına inteqrasiyasına dəstək verəcək”

    Əli Həsənov: “Bu forumun keçirilməsi Azərbaycan ...

    28-10-2014, 13:00

  • 
  • Quba "2014 Gənclər Paytaxtı" seçildi

    Quba "2014 Gənclər Paytaxtı" seçildi ...

    2-02-2014, 00:05

  • 
  • İRADƏ GÜLMƏMMƏDOVA GƏNCLƏRƏ FƏXRİ FƏRMAN VERDİ - FOTO/VIDEO

    İRADƏ GÜLMƏMMƏDOVA GƏNCLƏRƏ FƏXRİ FƏRMAN VERDİ - ...

    2-02-2019, 22:15

  • 
  • Sənəd qəbulu başladı

    Sənəd qəbulu başladı ...

    22-05-2014, 10:42

  • 
  • İlham Əliyev Gəncənin "2016-cı il Avropa gənclər paytaxtı" seçilməsi ilə əlaqədar sərəncam imzaladı

    İlham Əliyev Gəncənin "2016-cı il Avropa ...

    24-02-2016, 21:36


Təqvim

«    İyul 2025    »
BeÇaÇCaCŞB
 123456
78910111213
14151617181920
21222324252627
28293031 

Arxiv xəbərlər

İyul 2025 (253)
İyun 2025 (435)
May 2025 (454)
Aprel 2025 (551)
Mart 2025 (351)
Fevral 2025 (529)
Yanvar 2025 (530)
Dekabr 2024 (573)
Noyabr 2024 (576)
Oktyabr 2024 (692)
Sentyabr 2024 (596)
Avqust 2024 (657)
İyul 2024 (677)
İyun 2024 (514)
May 2024 (622)
Aprel 2024 (571)
Mart 2024 (450)
Fevral 2024 (569)
Yanvar 2024 (560)
Dekabr 2023 (584)
Noyabr 2023 (554)
Oktyabr 2023 (618)
Sentyabr 2023 (545)
Avqust 2023 (579)
İyul 2023 (594)
İyun 2023 (462)
May 2023 (595)
Aprel 2023 (596)
Mart 2023 (589)
Fevral 2023 (613)
Yanvar 2023 (498)
Dekabr 2022 (639)
Noyabr 2022 (517)
Oktyabr 2022 (425)
Sentyabr 2022 (519)
Avqust 2022 (496)
İyul 2022 (470)
İyun 2022 (625)
May 2022 (583)
Aprel 2022 (644)
Mart 2022 (663)
Fevral 2022 (651)
Yanvar 2022 (664)
Dekabr 2021 (664)
Noyabr 2021 (661)
Oktyabr 2021 (666)
Sentyabr 2021 (604)
Avqust 2021 (504)
İyul 2021 (542)
İyun 2021 (672)
May 2021 (586)
Aprel 2021 (656)
Mart 2021 (562)
Fevral 2021 (609)
Yanvar 2021 (564)
Dekabr 2020 (580)
Noyabr 2020 (607)
Oktyabr 2020 (752)
Sentyabr 2020 (685)
Avqust 2020 (766)
İyul 2020 (767)
İyun 2020 (675)
May 2020 (641)
Aprel 2020 (807)
Mart 2020 (617)
Fevral 2020 (668)
Yanvar 2020 (528)
Dekabr 2019 (652)
Noyabr 2019 (557)
Oktyabr 2019 (593)
Sentyabr 2019 (545)
Avqust 2019 (454)
İyul 2019 (616)
İyun 2019 (461)
May 2019 (585)
Aprel 2019 (559)
Mart 2019 (459)
Fevral 2019 (490)
Yanvar 2019 (565)
Dekabr 2018 (752)
Noyabr 2018 (732)
Oktyabr 2018 (1046)
Sentyabr 2018 (772)
Avqust 2018 (758)
İyul 2018 (827)
İyun 2018 (795)
May 2018 (757)
Aprel 2018 (859)
Mart 2018 (682)
Fevral 2018 (638)
Yanvar 2018 (851)
Dekabr 2017 (946)
Noyabr 2017 (1150)
Oktyabr 2017 (930)
Sentyabr 2017 (1090)
Avqust 2017 (1200)
İyul 2017 (1511)
İyun 2017 (842)
May 2017 (563)
Aprel 2017 (557)
Mart 2017 (624)
Fevral 2017 (681)
Yanvar 2017 (531)
Dekabr 2016 (514)
Noyabr 2016 (347)
Oktyabr 2016 (403)
Sentyabr 2016 (402)
Avqust 2016 (343)
İyul 2016 (509)
İyun 2016 (646)
May 2016 (660)
Aprel 2016 (680)
Mart 2016 (601)
Fevral 2016 (839)
Yanvar 2016 (467)
Dekabr 2015 (627)
Noyabr 2015 (727)
Oktyabr 2015 (733)
Sentyabr 2015 (579)
Avqust 2015 (308)
İyul 2015 (354)
İyun 2015 (182)
May 2015 (280)
Aprel 2015 (270)
Mart 2015 (371)
Fevral 2015 (277)
Yanvar 2015 (554)
Dekabr 2014 (697)
Noyabr 2014 (584)
Oktyabr 2014 (459)
Sentyabr 2014 (490)
Avqust 2014 (434)
İyul 2014 (505)
İyun 2014 (51)
May 2014 (533)
Aprel 2014 (437)
Mart 2014 (295)
Fevral 2014 (608)
Yanvar 2014 (923)
Dekabr 2013 (1167)
Noyabr 2013 (1064)
Oktyabr 2013 (624)
Sentyabr 2013 (458)
Avqust 2013 (699)
İyul 2013 (900)
İyun 2013 (649)
May 2013 (637)
Aprel 2013 (293)
Mart 2013 (164)
Fevral 2013 (423)
Yanvar 2013 (450)
Dekabr 2012 (881)
Noyabr 2012 (17)

Bütün arxivi göstər / gizlət

Sorğu

 

Yay istirahətini harada keçirmək niyyətindəsiniz?


 

 
    • youtube
    • twitter
    • rss
    • googleplus
    • flickr
    • facebook
    Copyright © www.GundemXeber.az / Bütün hüquqlar qorunur!
    BİZİMLƏ ƏLAQƏ: tel: (+99412) 538 76 26, (+99450) 289 88 33, (+99470) 248 96 52 - Email: [email protected]
    Ünvan: Bakı şəhəri, Mətbuat prospekti 529-cu məhəllə, ''Azərbaycan'' nəşriyyatı 1-ci mərtəbə
    Qurucusu: Ş.Cəfəri / Direktor: Ç. Cəfəri


    Hazırlayan və ideya müəllifi: Elshan Azizoglu