Göyçay Kommunal Təsərrüfat İdarəsinin müdiri onlarla adamln adına maaş yazıb mənimsəyir


Göyçay rayon sakinləri tərəfindən redaksiyamıza şikayət məktubu daxil olub. Şikayətçilər məktubda yerli məmurların fəaliyyətindən narazılıq edirlər. Məktub müəllifləri bildirilər ki, Göyçay Kommunal Təsərrüfat İdarəsinin müdiri Loğman Əliyevin başı korrupsiya əmələrinə qarışdığından Göyçay şəhərinin küçələrini zibillik basıb: “Buna görə Göyçay şəhəri zibilliyə qərq olub. Sakinlərin həyat və sağlamlıqları ciddi təhlükə altındadır. Antisanitariya baş alıb gedir. Azyaşlı uşaqlar zibillikdə oynayır, küçə itləri çoxalıb. Göyçay Kommnal Təsərrüfat İdarəsinin müdiri Loğman Əliyevin saxtakarlığı ilə dövlət büdcəsi də talan edilir. Adı Göyçay rayon Kommunal Təsərrüfat İdarəsində gedən, ancaq maaş kartları Loğman Əliyevin cibində olan 40 yaxın işçi var. Hər ay Göyçay rayon sakinlərindən hər evdən ayda zibil pulu adı ilə 1 manat pul yığılır ki, bu da ayda 15.000 manatdan çox pul edir. Çünki Göyçay şəhərində 15-20 000 arasında ev var”.

Şikayətçilər bildiri ki, Loğman Əliyev hətta işə qəbul adı ilə Sevda adlı rayon sakininin sənədlərini alıb və işçi kimi onu işə qəbul edib. Lakin o, Sevdanın xəbəri olmadan onun maaşını özü alıb mənimsəyib: “Həmin qadına isə bildirib ki, sizi işə götürmək mümkün olmadı. Bundan sonra həmin qadının ünvanlı sosial yardım almaq üçün sənədlərini "VEMTAS" sistemi ilə qəbul ediblər. 3 ay sosial yardım alandan sonra müəyyən edilir ki, Sevda adlı qadının adı Göyçay rayon Kommunal Təsəsrrüfat İdarəsində işdə gedir və hər ay maaş alır. Bu məlumat "VEMTAS" sistemində əldə olunan kimi Sevda xanıma verilən sosial yardım dayandırılır. Sevda xanım Göyçay Kommunal Təsərrüfat İdarəsinin müdiri Loğman Əliyevin bu cinayət əməli barədə şikayət etsə də, heç bir tədbir görülmür. Çünki Loğman Əliyev belə cinayət əməllərindən sığortalanmağın mahir ustasıdır. O, dəfələrlə məhkum edilib. Hətda axrıncı dəfə 6 il müdətinə azadlıqdan məhrum etmə cəzasına görə Ali Məhkəməyə 100.000 rüşvət verib bəraət alıb azadlığa çıxa biliи. Fakt isə budur ki, cinayət əməlləri ilə məşğul olan Loğman Əliyevin yarıtmaz fəaliyyəti nəticəsində Göyçay şəhər küçələri zibilliyə qərq olub, anitisanitariya baş alıb gedir. Loğman Əliyevin yeri Göyçay Kommunal Təsərrüfatı İdarəsi yox, həbsxana olmalıdır”.

Şikayətçilər əlaqədar qurumlardan bu məsələ ilə bağlı tədbir görülməsini istəyirlər.
Məktubu Göyçay rayon sakinləri Əliyev Zaman Sabir oğlu, Məmmədov Tahir Gülağa oğlu, Qasımov Əlsaab Davud oğlu, Hüseynov Rəsul Akif oğlu, Beydullayev Bəhruz Fərhad oğlu imzalayıblar.

Samir
gundemxeber.az