Bu belə olduğu halda “Xalq artisti” fəxri adını daşıyan tanınmış müğəninin davranışlarını necə qəbul etmək olar?

Bu günlərdə sosial şəbəkələrdə 1981-ci ildə “İstedadlar axtarırıq” müsabiqəsinin qalibi olan, 1998-ci ildən “Əməkdar artist”, 2006-cı ildən isə “Xalq artisi” adını daşıyan, tanınmış müğənni Ağayev Ağadadaş Həmid oğlunun videosu yayılıb. Yayılmış videoya diqqət yetirdikdə aydın olur ki, tanınmış müğənni hansısa guşədə düzənlənmiş yemək-içmək məclisində iştirak edir və əhatəsində əlavə şəxslər də var. Düzdür, ilk öncə çəkilişdəki şəxsin Ağadadaş Ağayev olmasına inanmasaq da, çox keçmədi ki, cazibədar səsi ilə hər kəsi valeh edən və daha çox həyatın gözəlliyindən bəhs edən müğəninin mahnısını dinlədikcə, sanki biz də cuşa gəldik.
Etiraf etmək lazımdır ki, Ağadadaş Ağayev əksər müğənnilərdən öz çəkisi ilə fərlənən bir müğənnidir. Belə bir səbəb üzündən də, bəlkə də kimlərsə onu “əlçatmaz zirvə” də hesab edirlər. Amma bütün bunlara baxmayaraq, tanınmış müğənninin düzənlənən məclisdəki davranışı, köynəyinin açıq formada olması, qarşısında olan xanımın etdiyi jestlər və s. məhz ona qarşı şübhəli məqamların əmələ gəlməsinə də səbəb olur. Çünki, şahidi belə olmuşuq ki, Ağadadaş Ağayevi yalnız məclislərdə, televiziya ekranlarında, ayrı-ayrı tədbirlərdə görən şəxslər onun ciddiliyindən danışıb və bəlli münasibətini də ortaya qoyub. Bu belə olduğu halda “Xalq artisti” adını daşıyan Ağadadaş Ağayevin davranışlarını necə qəbul etmək olar? Axı o, sadə bir şəxs deyil! Çünki, ictimai yerlərdə tam əksəriyyət onun davranışına, danışığına, oxuduğu mahnılarına olduqca diqqət yetirib.
Əslində qeyd etdiyimiz fəxri adları daşıyan və respublika hüdudlarından çox-çox uzaqlarda tanınan bir şəxs, harada olmasından asılı olmayaraq həm danışığı, həm də davranışı ilə hər kəsə nümunə olmalıdır. Amma, videosu yayılan məclisin görüntülərinə diqqət yetirdikdə, fərqli bir Ağadadaş Ağayevin olduğunu görürük. Bu da onu söyləməyə əsas verir ki, tanınmış müğəni ilə bağlı belə bir görüntülərinin yayılmasında, bəlkə də kənardan “uzanan əllər” əsas rol oynayıb.
Onu da unutmaq olmaz ki, tanınmış müğənni ilə bir sürfə arxasında əyləşən, bu cür görüntülərin yayılmasında maraqlı olan, hətta içdiyi spirtli içkilərin təsirindən “meyxoş” duruma düşən və “bravo” deməsi ilə Ağadadaş Ağayevə alqışlar yağdıran xanımın da “zəhməti” az deyil. Bəli, bu bizim versiyalardan biridir. Ola bilər ki, bizim bilmədiyimiz həqiqətlərin görünməyən tərəfləri də var.

VIDEO (İZLƏMƏK ÜÇÜN YAZIYA KLİK EDİN)

Mirzə