Əri və qardaşı başçını axtarır... Qazaxda İnsident!

"Gündəm-Xəbər" qəzetinin redaksiyasına ən çox şikayətlər daxil olan rayonlardan biri də Qazax rayonudur. Belə ki, rayon sakinləri vaxtaşırı müxtəlif problemlərlə bağlı redaksiyamıza müraciət edirlər. Bu dəfə redaksiyamıza daxil olan şikayət isə Qazax Rayon İcra Hakimiyyəti başçısı Rəcəb Babşovun dövlət məmuruna yaraşmayan davranışları ilə bağlıdır. İcra başçısının belə addım atması həqiqətən də utancvericidir.

Belə ki, Qazaxın icra çaşcısı Rəcəb Babaşov cəbhə bölgəsində döyüşən hərbiçinin bacısını bir neçə vəzifəli şəxsin yanında əxlaqsız adlandırıb. Rayonda müəssisələrin birində işləyən ailəli, 2 uşaq anası olan qadın M.Asiyanı (ad şərtidir-red.) həmin müəssisədə görən icra başçısı “bu əxlaqsız burada nə edir” deyərək qadın işləyən müəssisənin bağlanmasını tələb edib. Rəcəb Babaşov tərəfindən təhqir olunan M.Asiya bu barədə anasına, həyat yoldaşına və hərbiçi qardaşına danışıb. Anası və təhqir olunmuş qızı, Prezident İlham Əliyev cənablarına və 1-ci Vitse Prezident Mehriban xanıma rəsmi şlkayət edərək başcının cəzalandırlmasını xahiş ediblər.

Bu söhbətin bütün rayona yayılması təbii ki, bir nəslin adına gölgəsalır. Anası bir neçə dəfə təhqir olunmuş qızıyla birgə Qazax icra hakimiyyətinə başcının qəbuluna getsə də, onunla görüşə bilməyiblər. Əldə etdiyimiz xəbərə görə, təhqir olunmuş xanımın hərbçi qardaşı icazə alaraq döyüş bölgəsindən başcının qəbuluna gəlib. O, icra başcısı Rəcəb Babaşovun 2 azyaşlı uşaq anasını niyə “əxlaqsız” adlandırmasına aydınlıq gətirməsini istəyir: "Əlində sübutu varsa, qoy mənə göstərsin, mən özüm onu cəzalandırım".

İcra hakimiyyətindəinsident yaşana biləcəyindən ehtiyatlanan məmurlar M.Asiyanın qardaşını icra başcısının qəbuluna buraxmayıblar. Təhqir olunmuş xanımın hərbçi qardaşı Ali Baş Komandana və Müdafiə Nazirinə müraciət edərək, Rəcəb Babaşovun bu tərbiyəsiz əməlinə qiymət verilməsini və onun cəzalandırılmasınıxahiş edib. İcra başcısı isə ana və qızını susdurmaq üçün öz işciləri vasitəsiylə onları polis və prokurorluğa verəcəyi, dövlət işində işləyən ananı işdən çıxaracağıyla hədələyib.

Qeyd edək ki, Qazax sakinlərinin dediyinə görə, Rəcəb Babaşov Qazax rayonunda söyüş söyən və yekəxana icra başcısı kimi tanınır: "Babaşovun gömrük şefiylə əlbəyaxa olması da məhz başcı onu söydükdən sonra baş vermişdi. Lakin burada söhbət Azərbaycan qadınından gedir. Bir qadını əxlaqsızlıqda ittiham edib hər kəsin yanında onu təhqir etmək, ona belə bir çirkin damğa vurmaq rayonun birinci rəsmi şəxsinə yaraşan əməl deyil"

Rayon sakinlərinin bildirdiyinə görə, Rəcəb Babaşovun bu əməli qazaxlıları hiddətləndirib: "Ona görə də bir qrup Qazax sakinlərinin imza toplayaraq icra başcısının istefasıyla bağlı Prezident İlham Əliyevə müraciət etməsi gözlənilir: "Rəcəb Babaşovun rayonda qadınlara qarşı bu cür davranması ilk belə hadisə deyil. Başcı bir dəfə Qazaxda “Oxumaq-oxumaq” adıyla tanınan binanın sakinləriylə görüşdə demişdi ki, eşitmişəm bu binada bir neçə əxlaqsız qadın var. Başcının bu sözləri sakinlərin etirazına səbəb olmuşdu. Bu etirazdan sonra başçı həmin binanın işıqlarını kəsdirmişdi. Binanın sakinləri 10 gün işıqsız qalmışdı. Bunun səbəbini soruşanda isə Rəcəb Babaşov "bu binada əxlaqsız qadınlar var, onları cəzalandırmaq üçün edirəm" demişdi".


Qazax sakinləri bildirir ki, Rəcəb Babaşov icra hakimiyyətindəki iclaslarda da tez-tez “əxlaqsızlıq” mövzusunda söhbətlər açır: “Mənim ən zəhləm gedən şey əxlaqsılıqdır”, “Eşitmişəm filan idarədə 1 əxlaqsız qadın işləyir”, “Əxlaqsız qadınlar haqqında mənə məlumat verin”, “O əxlaqsız sənin idarəndə niyə işləyir, onun əmrini ver çıxart” və s. Babaşovun iclaslarda sıx-sıx işlətdiyi ifadələrdi. Aydın məsələdir ki, əxlaqsızlıq cəmiyyətin bəlasıdır və heç kimin bundan xoşu gəlmir. Əxlaqsızlıqla mübarizə, sivil və mədəni üsullarla aparılır. Bu cür kobud yox! Bu “əxlaqsızlıq” mövzusuyla özünə divident qazanmaq istəyən Babaşov öz başını cəncələ salıb".
Göründüyü kimi, qadınlara çamur atan içra başçısı özünü dövlət məmuruna yaraşmayan təqdirdə aparmaqda davam edir. Bu isə perspektivdə rayonda insidentlərin yaşana biləcəyi təhlükəsindən xəbər verir.

Məqsəd