Adı çəkilən ünvanda yaşayan sakinlərdən biri, hansıki özünü Akif adı ilə təqdim edən şəxs bildirdi ki, “iyun ayının əvvəlindən yaşadığımız binanın önündə söküntü işləri aparılsa da, bu günə kimi heç bir təmizlik işləri görülməyib. Məhəlləmiz sanki Balaxanı zibilliyini xatırladır. Halbuki ərazidən zibillərin daşınmasına görə hər sakin MİS-nə adambaşı ayda 30 qəpikdən rüsum ödəyir. Görüşümüz zamanı həmin sakin onu da bildirdi ki, toz-torpaqdan, zirdzibilin aylarla təmizlənməməsindən, həmçinin dəmir parçalarının kəsilməsi zamanı baş alıb gedən səs-küydən lap boğaza yığılmışıq. Belə olan halda, zirdzibillərin daşınmasına görə biz niyə pul veririk. Bina sakinlərindən başqa biri isə bildirdi ki, bu qərarı icra edənlər görəsən düşünmürlər ki, heç olmazsa 90 mənzil sahibindən 50-sinin avtomobili var.



Hətta, elə sakin var ki, onun iki ədəd, yaxud çox sayda avtomobiıli var. Hər kəsin sağlığına qismət olsun. Tutaq ki, hər kəs avtomobilini binanın qarşısında saxlayır, o halda vəziyyət necə olacaq? Yəni, hərəkət etmək problemə çevrilməyəcəkmi? Həmin sakin onu da bildurdi ki, “mən 2B binasından yeni mənzil almışam və aldığıma görə də bu gün peşman olnmuşam. Toz-torpaqdan, dəmir səs-küyündən mənzilini satıb başqa bir ünvana köçmək istətyir. Bütün yayımızı səs-küylə keçirdik”.
Başqa bir sakin isə bildirdi ki, “biz yayda istirahətə çıxsaq da, buna heç cür iustirahət demək olmaz.



Yaşadığımız binanın arxa və ön hissəsində iyun ayından söküntü işləri aparılsa da, bu gün də zirdzibil qalmaqdadır. Mənim səhhətimdə ciddi problemim var və asma xəstəliyindən əziyyət çəkirəm. Bu toz-torpaqlar da hər kəsin nəfəsinə daxil olur. Zirdzibildən əlavə həyətimizdə 6-7 ədəd mavi qaz balonu var ki, onlar fəhlələr tərəfindən yaşadığımız məhəllənin düz ortasına atılıb. Ani bir qığılcımdan həmin balonlar partlaya bilər və bunun da nə ilə nəticələnəcəyi yəqin ki, hər kəsə bilir. Amma, bütün bunlar MİS-in rəisini heç bir halda düşündürmür. Bina sakinləri fəhlələrə ərazidəki zibilləri niyə təmizləmirsiniz deyə sual etdikdə, “gedin suallarınızı qalstuk taxıb gəzənlərə verin. Biz kimik, qara fəhlə olduğumuzdan Kamil İsmayılovun əmr və tapşırıqlarını yerinə yetiririk” deyirlər.



Sakinlər onu da qeyd etdilər ki, DİN-nin yaşayış binası kimi tanınan 28-ci binanın, həmçinin 29A binasının önündə 30-dan çox tikili və qaraj olsa da, həmin tikililərin söküntüsündən söhbət gedə bilməz. 2 saylı MİS-in yerləşdiyi binanın qarşısında da dəmir qarajlar və bir neçə tikilililər var ki, görəsən onları niyə sökmürlər? Bina sakinlərindən bəziləri Abşeron RİH başçısının qəbuluna getsələr də, onlara adı çəkilən qurumdan xanım icra başçısının məzuniyyətdə olduğunu bildirirlər. Hətta, onlar onu da vurğulayırlar ki, gələcəkdə yaşadığınız binanın qarşısında park salınacaq. Bina sakinləri isə, vəd verilən hər söz-söhbətə inanmadıqlarını bildirirlər.
Sakinlər yeni bir problemlərini də vurğulayırlar ki, yaşadığımız binanın giriş hissəsi kimi tanınan 8-ci blok tərəfdən avtomobillə əsas yola çıxmaq, bu gün müşkül məsələyə çevrilib. Çünki, binanın giriş hissəsində aylardır ki, 99-KG-373, 05-BD-579, 02-BP-232 dövlət nömrə nişanlı ağır tonnajl nəqliyyat vasitələri dayanıblar. Belə bir səbəb üzündən də binaya daxil olmaq üçün avtomobillər növbəyə dururlar, bir sözlə giriş-çıxış olduqca çətinləşir. Görəsən hansı əsasla bu ağır tonnajlı nəqiyyat vasitələri binanın giriş yolunda dayanırlar və müəyyən problemlərin əmələ gəlməsinə də səbəb olurlar.



Sakinlərin çoxsaylı problemlərindən birinin də, hər həftənin 5-ci günləri saat 8:00-dan axşam saat 19:00-a kimi bina sakinlərinə verilən mavi qazın kəsilməsi olur. Bu barədə sakinlər Abşeron Qaz İstismarı Sahəsinə şikayət etsələr də, qarşı tərəf “bizlik deyil, gedin şikayətinizi yuxarıya edin” deməklə, bir növ məsuliyyətdən yayınmağa çalışırlar.



Həmçinin qeyd olunan gün də isməli suyu kəsirlər. Sakinlər onu da bildirir ki, problemlərimizin ictimailəşdirilməsi inanırıq ki, aidiyyəti qurumları hərəkətə gətirəcək və biz sakinlər də, inanırıq ki, belə bir problemlərdən xilas olub azad nəfəs də ala biləcəyik. Biz ona görə belə bir qənaətdəyik ki, ölkə rəhbəri 22 iyul Milli Mətbuat günü vurğuladı ki, “mən çox şeylər haqda mətbuatdan xəbər tuturam və məlumat əldə etdikdən sonra, problemlərin həlli istiqamətində lazımi orqanlara müvafiq tapşırıqlarımı da verirəm. Biz də ölkə rəhbərinin bu cür yanaşmasını əsas tutub belə bir qənaətə gəlmişik. Mövzu diqqətimizdədir.