Sahibkarların “qanını içən” Əbülfəz Məlikovun sonu yaxınlaşır; gömrükdə aylardır malları saxlayan inhisarçının invoys əməliyyatı...

İlham Əliyevin islahat paketində gömrüyün monopolisti “Broker” MMC-nin ləğvi nəzərdə tutulur - Şok faktlar

Azərbaycan mətbuatında elə gün yoxdur ki, “Broker” MMC-nin cinayətlərinə dair yeni məlumatlar tirajlanmasın.

Başqa dövlətlərdə bir qurum barəsində bu qədər məlumatlar dolaşsaydı, rəhbəri məsuliyyətə cəlb olunmuşdu.

Bizdə isə “Broker” MMC az qala gömrük sistemində ikinci büdcə hesab olunur. Bu büdcə rüşvət hesabına formalaşır. “Broker” MMC sahibkarları soğan qabığı kimi soyur.

Seçkidən sonra...

“Gündəm Xəbər”in verdiyi məlumata görə, MMC-yə rəhbərlik edən məşhur inhisarçı Əbülfəz Məlikovdur. O, Dövlət Gömrük Komitəsi sədri Aydın Əliyevin ikinci kassasıdır.

Azərbaycanın dövlət büdcəsindən yayındırılan milyonlarla pullar gömrük “kral”larının cibinə axır. Bu, illərdir ki davam edir. Çünki Ə.Məlikov onu himayə edən qüvvələrə arxayındır.

Necə ki, MTN generalları və Eldar Mahmudov bandası sahibkarların illərlə dərisinə saman təpiblər. Eyni siyasəti gömrük monopolisti Ə.Məlikov və adamları həyata keçirir.

Əldə etdiyimiz xəbərlərə görə, aprel seçkilərindən sonra Ə.Məlikovun “Broker” MMC-si ləğv oluna bilər. Gömrükdə eynilə MTN əməliyyatı gözlənilir.

Ölkədə seçkilərdən sonra ciddi islahatlara start veriləcək. Bunun tərkib hissəsi gömrük komitəsinin vergiyə birləşdirilməsi olacaq.

Bu xüsusda gömrükdə inhisarın kökü kəsiləcək. O deməkdir ki, Ə.Məlikovun sonu yaxınlaşır.

Prezident İlham Əliyevin seçkidən sonrakı islahat paketində gömrüyün monopolisti “Broker” MMC-nin ləğvi nəzərdə tutulur.

Çünki Əbülfəz Məlikovun rəhbəri olduğu MMC gömrükdə rüşvət alınması ilə məşğuldur.

“Broker Əbülfəz” adını qazanmış gömrük inhisarçısı prezident İlham Əliyevə, dövlətə və iş adamlarına qarşı pisliklər etməklə varlanır.

Onu himayə edən güclərin başında Dövlət Gömrük Komitəsi sədri, general Aydın Əliyev dayandığı iddia olunur.

İ.Əliyevin iqtisadi siyasətinə xəyanət edən komitə sədri ilə baş monopolist gömrükdə sahibkarlara “divan tutur”lar.

Ə.Məlikovun şəbəkəsi gömrükdə sahibkarları tələblərini yerinə yetirməyə məcbur edirlər. Tələblərdən imtina edən sahibkar sərhəddən heç bir mal ölkəyə keçirə bilməz.

Azərbaycana mal keçirmək istəyən istənilən şəxs, şirkət “Trans Broker” MMC-nin işçilərinə “haqq” ödəmək məcburiyyətindədir.

Sahibkarların gətirdiyi mallar Əbülfəz Məlikovun brokerlərinin adına rəsmiləşdirilib, rüşvəti də sahibkarlardan bu yolla alırlar.

İnvoys dəyəri 100 min dollar olan mal “Broker” MMC tərəfindən 15 min dollar kimi sənədləşdirilir və dövlət büdcəsinə 100 min dolların deyil, 15 min dolların gömrük rüsumu və ƏDV-si daxil olur.

Ermənilərlə işbirliyi

Bu əməliyyat qurtarandan sonra əlavə olaraq sahibkar tərəfindən brokerlərə 20 min dollar rüşvət kimi verilir.

Mətbuatda gedən xəbərlərə görə, Əbülfəz Məlikov Rusiyada biznesmen kimi tanınan ermənilərlə sıx işbirliyindədir. Hətta onların ölkədən kənarda şərikli biznesləri də var.

Məslənin əsl mahiyyəti isə xaricdə yerləşən erməni şirkətlərinin məhsullarının Azərbaycana daşınmasıdır.

Məhz bu yolla ermənilərə böyük miqdarda qazanc verən Ə.Məlikov ölkə sahibkarlarını da istiqamətləndirir.

Xəbərə görə, Moskvadan Minvoda təyyarə ilə dincəlməyə uçarkən təyyarədə bir Moskva ermənisi olan Ara Abramyanla azərbaycanlı rastlaşır.

Ara deyir ki, bacısı Raisa Ovanesyan, onun qızı Rena Bakıda yaşayırlar, kürəkəni də azərbaycanlıdır. Ara öz kürəkənindən xeyli razılıq edib və deyib ki, yeznəsi Bakıda nazirdir.

Xeyli təəccüblənən həmyerlimiz soruşub ki, yeznəniz hansı sahəyə rəhbərlik edir? Ara Abramyan cavab verib ki, “monopoliya naziri”dir.

Sonra Ara danışıb ki, “Moskvada bütün ərzaq məhsulları istehsalı ilə məşğul olan müəssisələr bizim əlimizdə cəmləşib”.

Onun sözlərinə görə, “Monopoliya naziri” olan “yeznə” Moskvaya gələn kimi Azərbaycan üçün ərzaq məhsullarını sifariş edir.

“Biz də ona bu işlərdə öz köməkliyimizi əsirgəmirik, axı o bizim yeznəmizdir”, – deyə Ara Abramyan bildirib.

Erməni diasporunun lideri olan bu şəxsin müxtəlif biznes sahələrinə nəzarət etdiyi və hətta Azərbaycana qədər də əlinin uzandığı barədə iddialar var.

Əbülfəz Məlikovun gizli fiqurları siyahısında Anar Allahverdiyivin adına da rast gəlinir. Anar Allahverdiyev “Broker” MMC-nin rəhbəri Əbülfəz Məlikovun xalası oğludur.

Onun “Broker” MMC-nin “kassiri” və Əbülfəz Məlikovun ən etibarlı, inamlı adamı olduğu bildirilir. Bütün bunlara şərait yaradan isə gömrük komitəsi sədridir.

Onlar şəbəkə şəklində Azərbaycana, onun iqtisadiyyatına, büdcəsinə, prezidentin siyasətinə ziyan vurmaqla məşğuldurlar.

“Karqo Şamil”, “Broker Əbülfəz” - talan

“Broker” MMC rəhbəri Əbülfəz Məlikova qahmar çıxan qüvvələr onu arxayın ediblər ki, heç bir təhlükə yoxdur, işini davam etdir. Ə.Məlikovun heç bir tənqidə fikir vermədən əməllərini yerinə yetirdiyi vurğulanıb.

Gömrükdə “karqo Şamil” adlanan Şamil Heydərovla paralel inhisarçılığı davam etdirən “Broker Əbülfəz” media emissarları hesabına bir müddət gözdən itməyə nail olmuşdu.

Lakin yenidən diqqət mərkəzinə gələn Ə.Məlikov barəsindəki faktlara əhəmiyyət vermədən fəaliyyətini davam etdirir. Çünki onu qoruyan güclər arxayın ediblər.

Dövlət başçısı hər dəfə azad rəqabət mühitinin yaradılmasının, monopoliyanın ləğv edilməsinin vacibliyini vurğuladıqca Əbülfəz Məlikov və brokerçilər gömrükdə yağmalamanı, talançılığı daha da şiddətləndirirlər.

Monopolistlərin maraqlarının müdafiəçisi kimi fəaliyyət göstərən Ə.Məlikov sahibkarlara qan uddurur, onları müflis olma həddinə çatdırır.

“Trans Broker” MMC əməkdaşları onların ölkəyə gətirdikləri məhsullardan əldə edə biləcəkləri ehtimal olunan gəlirin 60-70 faizini əvvəlcədən rüşvət olaraq tələb edirlər. Belə bir vəziyyət dünyanın heç bir gömrük sistemində müşahidə olunmur.

Üstəlik, bu qədər rüşvətdən sonra iş adamları gətirdikləri malın qiymətlərini rəsmi bəyənnamələrdə bir neçə dəfə aşağı qiymətə rəsmiləşdirməyə təhrik edilirlər.

Mikayıl Cabbarov Əbülfəz Məlikovu bitirəcəkmi?

Apreldən sonra ölkədə ciddi struktur islahatları gedə bilər. Son zamanlar gömrüklə vergilərin birləşdirilməsi müzakirə olunur.

Əgər bu islahat gerçəkləşərsə, vergilər naziri Mikayıl Cabbarov gömrük sahəsini ələ keçirmiş olacaq. Bu halda Ə.Məlikov üçün qara günlər başlanacaq.

Apreldən sonra bu dəyişikliklər gözləniləndir. Çünki dövlət başçısı vergi, maliyyə, gömrük sahələrində şəffaflığı təmin etmək, inkişaf etdirmək niyyətindədir.

Ən maraqlısı isə rüşvətin alınma mexanizmi və bu mexanizmi həyata keçirən böyük bir qurumun olmasıdır. Söhbət mətbuatda adı «Broker» MMC kimi hallanan, rəsmi sənədlərdə isə adı “Trans Broker” MMC kimi keçən nəhəng şirkətdən gedir.

Bu şirkətin işçilərinin sayı Azərbaycan Gömrüyündə çalışanların sayından 2 dəfə çox olduğu bildirilir. Qeyri-rəsmi məlumatlara görə, gömrüyün 2700 nəfər əməkdaşı varsa, “Trans Broker” MMC-nin 5 min əməkdaşı var.

2006-cı ildə yaradılan və o vaxtdan da iş adamlarının kabusuna çevrilən bu qurum bir tərəfdən sahibkarları soymaqla, digər tərəfdən isə büdcəyə çatası pulları müxtəlif fırıldaqlarla talamaqla hər il milyardlarla manatın şəxsi hesablara axmasını təmin edir.

Azərbaycana mal keçirmək istəyən istənilən şəxs, şirkət “Trans Broker” MMC-nin işçilərinə «haqq» ödəməlidir.

Bu şəbəkəyə Əbülfəz Məlikov başçılıq etsə də, onun işçiləri hərəsi bir sahəni inhisarda saxlayan oliqarxların təmsilçiləridir.

Bir çox hallarda sahibkarların gətirdiyi mal da elə onların adına rəsmiləşdirilir və rüşvəti də onlar alıb mərkəzə ötürür.

Onlar oliqarxların maraqlarına uyğun olaraq idxal olunan məhsullara rüşvət tarifləri tətbiq edirlər ki, ölkədə həmin malları ucuz sata bilməsinlər. Yığılan rüşvət isə “Trans Broker” MMC vasitəsilə bir mərkəzə toplanır.

Buna görə, brokerlərin hər birinə Əbülfəz Məlikov 1000-4000 dollar arası «paket» sistemi ilə maaş verir.

Oliqarxların təmsilçiləri əlavə olaraq öz sahiblərindən də aylıq «paket» alırlar. Bu da dövlətə nə qədər zərər vurmasının faktiki göstəricisidir.

Çovdarova “peredaça”

Onu da deyək ki, A.Çovdarov aclıq elan etməzdən əvvəl onun saxlanıldığı BİT-ə “peredaça” göndərənlər olub.

Onlardan biri gömrük-keçid məntəqələrində inhisarçı oliqarxların maraqlarına uyğun iş adamlarını soymaqla məşğul olan “Broker” MMC-nin rəhbəri Əbülfəz Məlikov imiş.

Ə.Məlikovun MTN çetesi ifşa olunmazdan əvvəl A.Çovdarovla yaxın münasibətləri olub. Onun “çətiri”ndən istifadə etməklə rəhbərlik etdiyi MMC-də illərlə baş verən qanunsuzluqların araşdırılmamasına nail ola bilib.

İş adamlarının MMC əməkdaşlarının soyğunçuluğu ilə üzləşməsi yeni fakt deyil. Bu reketçiliyin 20 ilə yaxınlaşan tarixi var.

Azərbaycana mal keçirmək istəyən istənilən şəxs, şirkət “Trans Broker” MMC-nin işçilərinə “haqq” ödəmək məcburiyyətində qalıblar.

Sahibkarların gətirdiyi mallar Əbülfəz Məlikovun brokerlərinin adına rəsmiləşdirilib, rüşvəti də sahibkarlardan bu yolla alıblar.

Brokerlər ən müxtəlif sahələri inhisarda saxlayanların maraqlarına uyğun olaraq idxal olunan məhsullara rüşvət tarifləri tətbiq ediblər ki, bu da sonradan həmin malların qiymətlərinin bahalaşmasına səbəb olub. Qarşı tərəfi dinləməyə hazırıq.

Rafiq Qara