Azərbaycanda bir çox ictimai-siyasi qurumlar, vətəndaş cəmiyyəti institutları müxtəlif illərdə bu günü məhdud və ya geniş çevrədə demokratiya günü kimi qeyd edirlər. Bu günün öz anlamı, ictimai- siyasi yükü var...

... Azərbaycan xalqının xeyli problemləri, arzu və istəkləri var. Vətənimiz uzun müddətdir 2- yə bölünüb. Azərbaycanın Güneyində 35 milyondan artıq soydaşımız fars şovinizminin əsarəti altındadır. Vətənimizin qüzeyində torpaqlarımızın 20
faizini ermənilər işğalı edib. Ölkəmizin yeraltı və yerüstü sərvətlərindən əldə edilən gəlirlər xalqımızın rifah halının yaxşılaşmasına, ordumuzun güclənməsinə deyil, bir qrup var- dövlət və vəzifə hərislərinin varlanmasına xidmət edir. Xalqımızın seçmək və seçilmək hüququ qəsb olunub və s. Problemlərimizi sadlamaqla qurtarmaz. Tariximizdə xeyli qara günlər var...

Amma son 25 ildə böyük qürur və fəxrlə qeyd etdiyimiz günlər var ki, həmin günlərdən biri 1992- ci il 07 iyunda qeydə alınıb. Məhz həmin gün xalqımız böyük coşqu ilə seçki məntəqələrinə gələrək son 70 ildə ilk dəfə azad və demokratik şəkildə öz siyasi iradəsini ortaya qoyaraq Azərbaycan Xalq Cəhbəsinin (AXC) sədri Əbülfəz Elçibəyi ölkəmizin prezidenti seçdi. Təəssüf ki, Elçibəy hakimiyyəti azadlıq və demokratiyaya qənim kəsilən yerli və beynəlxalq mafioz güclərin iş birliyi ilə silahlı qiyam nəticəsində devrildi. 1992-93- cü illərdə mövcud olmuş milli hakimiyyət dönəmində xalqımız azadlıq və demokratiyanın, xalq hakimiyyətinin necə olduğunu gördü. Hökümətin xalqın xidmətində necə durduğunun şahidi oldu...

1992- ci ilin 07 iyununda keçirilən prezident seçkiləri ölkəmizdə keçirilən son demokratik seçkilər oldu. 26 ildir ki, xalqımız azad, demokratik seçkilərə həsrətdir. Məhz bu baxımdan "07 iyun- Demokratiya Günü" kimi qəbul edilib və tarixdə bu günün öz ictimai- siyasi mənası, yeri var. Əslində 1992- ci il 07 iyunda xalqımızın azad şəkildə seçki hüququnu həyata keçirib milli hakimiyyətini qurması faktı bir daha göstərdi ki, xalqımız demokratiyaya hazırdır. Demokratik seçki ənənəsi və seçki mədəniyyəti olan xalqdır. Bu xalq demokratik qaydada seçki keçirməklə öz prezidentini və parlamentini seçməyi bacarır. Başqa cür də ola bilməzdi. 1918- 20- ci illərdə ilk dəfə müsəlman dünyasında, şərq aləmində qadınlara seçmək və seçilmək hüquq verən bir cümhuriyyəti quranlar və onun davamçıları başqa cür hərəkət edə bilməzdi..

Dostlar, gəlin 1992- ci ilin 07 iyun- Demokratik seçkilərini bir daha yada salaq. Həmin günün xalqımıza və dövlətimizə verdiyi töhfələri xatırlayıb həmin günü bir daha qeyd etməyə çalışaq. Unutmayaq ki, xalqları, millətləri qabağa aparan onun görkəmli şəxsiyyətləri ilə yanaşı tarixi günləri və hadisələridir...

Oqtay Gülalıyev