Bu gün Gəncədə Bitki Mühafizə və Texniki Bitkilər Elmi-Tədqiqat İnstitutunda nələr baş verir? Görəsən İnam Kərimovun Gəncədəki “alimlərin soyqırımı”ndan xəbəri varmı? Bunları bilmək üçün həmin təhsil müəssisəsində çalışan Məmmədova Rumiyyə İsrail qızının müsahibəsini təqdim etmək, yəqin ki, kifayət edər.

Məlumat üçün bildirirək ki, elmi-tədqiqat instituna Seyfəddin Talıbovun sayəsində direktor kimi yerləşdirilən Azad İbrahimov, bu gün pambıqçılıq sahəsində artıq ad çıxarmış təcrübəli mütəxəssisləri işdən uzaqlaşdırmaqla və ya onları hədələməklə məşğul olur. Bunun kökündə nələr durur? Azərbaycanın sabahını qeyri-neft sektorunun inkişafında görən Prezident İlham Əliyevin əksinə hərəkət edən Azad İbrahimov, hazırda pambıqçılığın inkişafı üçün böyük ruh yüksəkliyi ilə səy göstərən alimlərə qarşı "sanksiyalar" tətbiq edərək, onları pambıq işindən ayırıb özünə məxsus pomidor, günəbaxan, badam, şam tingləri və s. olan ərazilərdə üç günü beş manata məcburi işlətməklə məşğuldur. Elmi işçilərin dediyindən və əldə etdiyimiz məlumatlarda deyilir, əsasən həftənin şənbə və bazar günləri, eləcə də digər günlərdə direktora məxsus ərazilərdə muzdur kimi işlədilən alimlərə qarşı apardığı "soyqırım"ı Azad İbrahimovun "sağ əli" olan Mahirə Verdiyeva həyata keçirir. Direktorun avtobus təşkil edərək sahələrdə işlətdiyi elmi işçilərin başında duran, işin təşkilatçısı sayılan Mahirə Verdiyevanın işçilərə qarşı amansızlığı hardandır? Əldə etdiyimiz bir başqa məlumatda isə zamanında elmi tədqiqat institutunda Mahirə Verdiyevaya, onun alimə yaraşmayan davranışlarına etirazlarını bildirdiyi , hətta baş verənlərin məhkəmə müstəvisinə belə qalxdığı deyilir. Daha sonra elmi-tədqiqat institunun rəhbərliyinin humanistliyi ilə bitən qalmaqaldan sonra yenidən işə qayıtması, görünür daha sonradan adı gedən xanımın işçilərə olan hazırkı münasibətindən hələ də onlardan heyfli olmasını nümayiş etdirir.
Bu gün Mahirə Verdiyevanın ADAU-da qiyabi şöbədə dövlət imtahan kommisiyasının sədri olması, daha bir gizlinləri ortaya qoydu. Belə ki, Azad İbrahimovun özündən sonra hazırladığı kadr, həmkar da deyə bilərik, bütün zamanlarda diplom məsələrində əli olan (əsasəndə Beynəlxalq Universitetin) alver yoldaşı, hazırda isə qiyabi şöbəyə qəfildən şöbə müdiri təyin olunan Məhəmməd Hüseynovun rəhbəri oldu. Şöbədə keçirilən dövlət imtahanlarının komissiyasında Mahirə Verdiyevanın adı, yenə də bu işbazların növbəti iş birliyindən xəbər verir. Söhbət kənd təsərrüfatının, elmin deyil, amma pul-para olan işbirliyindən gedir.
Direktora məxsus əkin sahələrində işləyərkən baş verən bədbəxt hadisə, yəni sahədə işləməyə gedənkən qolu sınan Nəsibə Sadıqovadan aidiyyatı qurumların xəbəri oldumu? Əgər heç bir halda auditoriya üzü görmədən ADAU-nun rektoru İbrahim Cəfərovun sahəsində "Əməkdar müəllim" titulu ala bilibsə, demək ki, bu işi də çox asanlıqla ört-basdır edə bilib. Hələ dünən ADAU-ya məxsus təcrübə üçün nəzərdə tutulan 2000 ha əraziləri satmaqda, universitetin mal-materialını, kənd təsərrüfatı və digər sahələr üçün nəzərdə tutulan texnikasını silib sataraq, hazırda universiteti texnikasız qoyan təsərrüfat işləri üzrə prorektor olmuş Azad İbrahimov, bu gün açıq-aydın dövlət proqramlarının əksinə gedərək “provakasiya” xarakterli gedişlər edir. Belə ki, məqsədli şəkildə pambıqçılıqda, onun inkişafında tövhələri, əməyi olanları işdən uzaqlaşdırır, pambıqla bağlı cəfəngiyyatlar söyləyərək alimləri təhdid edir, müşavirələrlə, aparılan araşdırmalarla bağlı hər hansı rayonlara üz tutarkən, orada pambıqçılığın inkişafı ilə deyil, ADAU-ya qıraqdan kənardan-kənara pullu abuturiyentlər axtarışı güdməkdən başqa məqsəd güdmür.
Sualımız İnam Kərimovadır: Nə vaxtsa ADAU-ilə bağlı, onun əraziləri, maddi-texniki bazası, nəhayət saxta diplomların yuyulması ilə bağlı maraqlanan tapılacaqmı? 2009-cu ildə ADAU-nun rektoru olmuş, hazırda İsmayıllı rayon İcra Hakimiyyətinin başçısı vəzifəsini daşıyan Mirdamət Sadıqov, Azad İbrahimovun universitetdə törətdiyi əməllərlə bağlı hüquq-mühafizə orqanlarına müraciət etmək istəməsi və son anda belə bir istəyindən “vaz keçərək” onu işdən azad etməsi, İbrahim Cəfərovun rektor təyinatından sonra onun yenidən universitetə qayıtması, əldə etdiyi titullar onun arxasında kimin və ya kimlərin durmasından xəbər verir. Cənab Nazirə olan inamdan, məhz bu sualı ona ünvanladıq. Bu haqda sizlərii daha ətraflı məlumatlandırmağa çalışacağıq. Odur ki, bizi izləməyi unutmayın.



Mehriban Əzizqızı