Prezident İlham Əliyevin məmurlardan əsas tələblərinin başında gələni onların xalqla təmaslarının intensiv təşkilidir, desək, yanılmarıq. Bunu elə ayrı-ayrı nazirlərin, komitə sədrlərinin, deputatların təşkil etdiyi vətəndaş qəbullarının populyarlılığından, habelə bir siyasətə çevrilməsindən də aydın şəkildə görmək olar. Amma maləsəf ki, əksər icra başçıları üçün qeyd etdiyimiz tələbin zərrə qədərində əhəmiyyəti də yoxdur.

Doğrudur, bunu prioritet dəst-xətt kimi qəbul edib, fəaliyyətini quranlar da var. Məsələn, 2-3 rayon rəhbərləri var ki, xalqla təmasa maraqlı görünürlər.

Amma Qazaxda bu belə deyil və Redaksiyamıza müraciət edən Qazax rayon sakinləri bizdən soruşurlar ki, bəlkə onların icra başçılarını Bakıda görən olub...

Sakinlər bildirirlər ki, başçının qəbuluna düşmək Qazaxda loteereya udmaq kimi bir şeydir Biz üzümüzü ölkə rəhbərliyinə tutaraq xahiş edirik ki, Qazaxa xalqdan qorxmayan bir rəhbər göndərilsin. Rəcəb Babaşov elə bil ki, Qazaxa müvəqqəti gəlib, hər an gedəcəyini bildiyindən, ya nədən rayonun halına acımır. Bizə ünvan deyin ki, ora şikayət edək, dərdimizi deyək...

İddia olunanlarla bağlı qarşı tərəfi də dinləməyə hazırıq...

P.S. Qeyd edək ki, bu kimi tənqidi materialların ardından icra başçısının əldə hazır saxladığı CAVAB ATƏŞİ USTALARI dərhal başqa KİV-lərə çıxaraq Rəcəb Babaşovun şəninə təriflər yağdırır, onu tənqid edən medianı isə az qala vətənə xəyanətdə ittiham edirlər. Yəqin ki, bu səfər də belə olacaq... Amma belə davranmaqdansa, cənab Babaşov yarımca saat qazaxlıları dinləsəydi, daha doğru olardı...

Gundemxeber.Az