“CƏNAB PREZİDENT, FOND RƏHBƏRİ FƏRASİM ƏLİYEV MEHRİBAN ƏLİYEVANIN AYIRDIĞI YARDIMI SATIB…”

Dövlət Sosial Müdafiə Fondunun yerli şöbə müdiri Fərasim Əliyevin qanunsuz əməllərindən şikayət edən, Biləsuvar sakini Əlizadə Nəhmədağa oğlu redaksiyamıza göndərdiyi məktubunda DSMF müdiri barədə prokurorluğa şikayət göndərib. Müraciəti cavabsız qalan rayon sakini prezidentə faktlar açıqlayıb.
Həmin məktubda qeyd olunan faktları GundemXeber.Az-ın oxucularına təqdim edirik:
“Bu gün Əmək və Əhalinin Sosial Müdafiə Nazirliyində və onun rayon şöbələrində kitab-dəftər tamamilə yoxa çıxıb. Xüsusilə Biləsuvar rayon şöbəsində… Yaranmış şəraitdən, eləcə də cəzasızlıq mühitindən sui-istifadə edərək toxunulmazlıq statusu əldə edən, Biləsuvar rayon Dövlət Sosial Müdafiə Fondunun başında duran (müdiri) Fərasim Əliyev və onun bəzi əməkdaşlarının çirkin iş metodları hər kəsə bəllidir;
Harınlıq əndazəsi o dərəcəyə çatıb ki, H.Əliyev Fondunun dəstəyi ilə bu ilin yeni il qabağı aztəminatlı ailələrə verilən 560 ailəyə nəzərdə tutulan yardım paketlərinin yalnız 50-60 nəfərə çatdırıldı. Yalnız öz adamlarına verildi, qalanları isə marketlərədə satılaraq vəsait mənimsənildi. Beləliklə aztəminatlı ailələrə ayrılması nəzərdə tutulan müavinətlər, ünvanlı yardımlar müxtəlif qeri-leqal bu yollarla mənımsənilir.
Əlillərə pensiya təyinatlarında stajlar düşünülmüş halda Arxiv İdarəsi ilə sövdələşmə nəticəsində saxtalaşdırılır. Əmək pensiyalarının təyinatlarında stajların toplanması və hesablanmasında əməkaşların şərtlərinə razı olmayanların işi isə əngələ düşür …
Məcburi sığorta ödəmələrində çox ciddi nöqsanlara yol verilir, sənədlərin rəsmilləşdirilməsi şəxsi maraqlara xidmət edir. Kommersiya strukturlarında , özəl təşklatlarda məcburi sığorta ödəmələrinin toplanmasında onların hesabatlarını fond əməkdaşları özləri hesablayır, özəl strukturlar isə fəaliyyətsız kimi göstərilir. Fond çirkli pullarını öz adamlarına daplata deyilən ödəmə vasitəsilə aparır. Ataların deyimində deyirlər, "başına gələn başmaqcı olar“.
Bir neçə ay bundan əvvəl əmək pensiyasına çıxmağımla əlaqədar olaraq Biləsuvar rayon DSMF-nun əməkdaşı Ümid Əsədov cənablarına sənədləri təqdim edəndə bir çox bürokratik əngəl yaratmağa çalışdı.
Stajın hesablanmasında bilərəkdən səhv hesablamışdı, buna etiraz edəndə: ”Gərək bizimlə razılaşasan, yoxsa işin alınmayacaq bizim yükümüz ağırdır, vizorları yola salırıq, qonaqlar olur, biz də sizin əlinizə baxırıq”.
Mən bu sövdələşməyə razılaşmayanda: Onda “ get hara istəyirsən şikayət et, naxır yerli-dibli itib sən isə haqq axtarırsan”.
Fondun müdiri Fərasim Əliyevin qəbulunda olub baş verənləri ona nəql etdim.O, uzun-uzadı söhbət əsasında dedi: "Bizim xərcimiz çox çıxır, rayonumuzda aparılan tədbirlər bizim boynumuzdadır,aylıq yükümüz var,qonaqlar gəlir” və sair.
Mən isə ona bildirdim ki, biz qanun çərcivəsində əmək pensiyasının təyinatını tələb edirik. Pensiya haqqında yeni qanunun tətbiqi Prezidenin 24.04.2018 ci.il 1078,VQ.D.nömrəli fərman ilə başlanıb.
Bu qanuna əsasən,mənim pensiya təyinatım köhnə qayda ilə aparılmalıdır.Fondun müdiri Fərasim müəllim isə yenə əlavə etdi, "Yazılmayan qanunlar da var".
Baş barmağı ilə axasındakı portretə işarə edərək, “bizlik deyil onluqdur”deyəndə bir daha yəqin etdim ki, bu kimi postuna layiq olmayan kadrlardan bundan artıq heç ngözləmək olmaz...
Bir daha aydın oldu ki, Biləsuvar rayon Sosial Müdafiə Fondunda dərinləşməkdə olan, vəzifə səlahiyyətlərindən sui-istifadə, vəzifə səlahiyyətlərini aşma, saxtakarlıq, süründürməçilik ayaq tutub yeriyir.
Yuxarıda söylədiyim ciddi qanun pozuntuları barədə Korrupsiyaya Qarşı Baş idarəsinin rəisi Kamran Əliyev cənablarına 20.06.2018 ci il tarixində şikayət ərizəsi göndərdim.
Bu günə kimi şikayətim nəinki araşdırılıb, heç cavab da verilməyib. Yenidən 31.07.2018 ci il tarixində Azərbaycan Respublikasının Baş Prakuroru Zakir Qaralov cənablarına şikayət ərizəsi ünvanladım.
Görünür vətəndaşların müraciəti haqqında Azərbaycan Respublikası qanununun 7-10 maddəsi qəbul olunarkən "ölü" döğulub.
Cənab Prezident ,Sizin Korrupsiyaya Qarşı Mübarızə tədbirləri haqqında 2000-ci il 28.oktyabr tarıxli 135 nömrəli fərmanınızda deyilir:
Korrupsiya ilə hüquq pozuntuları barədə verilən şəxsi materiallar maraqlı tərəfə və ya dolaysı ilə maraqlı olan şəxslərə korrupsiya ilə hüquq pozuntularla bağlı araşdırılması həvalə edilə bilməz.”