Bir müddət bundan öncə Bakı şəhəri, Yasamal rayonu, Ş.Əsgərov küçəsində yaşayan (ad şərtidir) Aybəniz Səlimova adlı xanım “Gündəm Xəbər” redaksiyasına müraciət ünvanlamışdı.

Adı çəkilən xanım yazmış olduğu müraciətində qeyd edirdi ki, “Qızım Aygül (ad şərtidir) 26 dekabr 2016-cı il tarixdə Babayev Hikmət Mirzəli oğlu tərəfindən yaşadığımız mənzildə zorlanır. Yuxarıda qeyd olunan ünvanda həyat yoldaşım (ad şərtidir) Baloğlan Yusifov, digər qızım (ad şərtidir) Rəna Yusifova, 4 yaşlı nəvəm (ad şərtidir) Ramiq Müslümov və mən birlikdə yaşayırıq. 2013-cü ildə qızım Aygül Məmmədov (ad şərtidir) Arif Abid oğlu ilə ailə həyatı qurdu və birgə nikahdan onların bir oğul övladları dünyaya gəldi. Bir qədər vaxt keçdikdən sonra xasiyyətləri üstüsə düşmədi və təxminən 3 (üç) il bundan əvvəl, onlar məhkəmənin qərarı ilə ayrılmalı oldular. Həmin vaxtdan qızım Aygü bizimlə birlikdə yaşayır. Mən 64 saylı tam orta məktəbdə müəllimə işləsəm də, həyat yoldaşım heç bir yerdə işləmir və çox vaxt da evdə olur.



Təxminən 2016-cı ilin əvəllərində Nahid adlı şəxs Türkiyə Respublikasından mal gətirmək adı ilə məndən 4000 (dörd min) manat məbləğində borc pul aldı və xeyli vaxt keçdikdən sonra o, həmin pulu danıb geri qaytarmaqdan imtına edir. Belə bir olayla üz-üzə qaldığımızdan, əvvəllər tanıdığımız Mahir adlı şəxsin vasitəsilə Hikmət adlı başqa bir şəxslə tanış olduq və o,nhəmin pulun Nahiddən alıb geri qaytaracağına söz verdi. Biz ona etibar etdik və bu işə razı olduğumuzu da bildirdik. Bir qədər vaxt keçdikdən sonra məlum oldu ki, Hikmət Nahidin bizə verməli olduğu pulun 2000 (iki min) manatını ondan alıb xərcləmişdir. Sonradan məlum oldu ki, sən demə Hikmət “razborka” işləri ilə məşğul olurmuş. Belə bir məlumatı tam dəqiqləşdirdikdən sonra, Hikmətdən pullarımızı tələb etdik. O, ilk əvvəl pul aldığını boynuna almasa da, sonradan həmin pulu xərclədiyini bildirdi və hissə-hissə qaytaracağına da söz verdi. Hikmət 2016-cı ilin sonlarından başqayaraq Nahiddən aldığı pulun əvvəlcə 300 manatını, bir qədər vaxt keçdikdən sonra isə 200 manatını bizə qaytardı. 26 dekabr 2016-cı il tarixdə qızım Aygül evdə olduğu zaman ona zəng etdim və Hikmətin bizə gələcəyini, həmçinin 400 manat pul verəcəyini də bildirdim. Həmin vaxt evdə qızım Aygül və onun azyaşlı övladı Rəsuldan savayı bir kimsə olmayıb. Təxminən saat 10-11 radələrində evimizin qapısı döyülür və qızım qapını açarkən Hikmətin bizə gəldiyini görür. O, əvvəllər bir neçə dəfə bizdə olmuş və həyat yoldaşım Baloğlan Yusifovla, mənimlə pul barədə söhbətlər etmişdi. Hikmət salamlaşıb içəri daxil olduqdan sonra qonaq otağındakı divanda əvləşir və qızımdan çay gətirməsini xahiş edir. O, çayı içdikdən sonra ayağa qalxıb çöl qapısına tərəf gedir və həmin qapı ilə üzbəüz yataq otağına daxil olduqdan sonra, qızıma həmin otağa daxil olmasını bildirir. O, otağa daxil olan kimi Hikmət onun qolundan bərk tutub çarpayıya uzadır və Aygüllə onunla cinsi əlaqədə olmaq istədiyini bildirir. Elə ki, qızım ona etiraz edir, o halda o, həm onu, həm də oğlu Ramiqi öldürəcəyi ilə hədələyir və bu barədə kiməsə nəsə danışmamağı da tapşırır. Həmin vaxt Hikmət qızımın əynində olan qara rəngli qısaqol köynəyi cırır, şalvarını və alt paltarını çıxarır, sonra da öz şalvarını, tumanını dizinə qədər çəkib onunla cinsi əlaqədə olur. Hikmət Aygüllə cinsi əlaqədə olan zaman əllərini tutub sıxdığından, o, ona heç cür müqavimət göstərə bilmir. Təxminən 3-4 dəqiqə cinsi əlaqədə olduqdan sonra Hikmət şalvarını çəkir və gətirdiyi 400 manat pulu Aygülə verdikdən sonra çıxıb gedir. Hikmət qapıdan çıxan zaman ondan şikayət ediləcəyi təqdirdə, qızımı və oğlunu öldürəcəyi ilə hədələyir. Həmin vaxtlarda Aygül həyacanlı olduğundan, bu şəxsin hərəkətləri ilə bağlı kiməsə nəsə danışmağa ehtiyat edir. Təqribən 3-4 aydan sonra bu sirri açıb mənə danışdı. O halda biz Hikmət Babayevin əməlləri ilə bağlı Qaradağ RPİ-nin 10-cu polis bölməsinə şikayət ərizəsi yazdıq. Onu da bildirim ki, həmin vaxta kimi qızımın onunla hər hansı münasibəti olmayıb. Yalnız onu bir neçə dəfə bizə gələrkən bizimlə birlikdə görmüşdü. Hikmət cinsi əlqədə olan zaman Aygülə qarşı heç bir zor tətbiq etmir, sadəcə olaraq onun biləklərindən tutub bərk sıxır və bundan sonra onunla cinsi əlaqədə olur. O, həmin vaxt qızıma ciddi xəsarət yetirməsə də, onun köynəyini dartıb cırır. Köynəyi yararsız hala düşdüyündən, Aygül onu zibilliyə tullamalı olur. Hikmət qızımı zorlayan zaman o, qorxusundan bir kimsəni köməyə çağırmır, qaçmağa da cəhd göstərmir. Çünki o, onu və oğlunu öldürəcəyi ilə hədələyir, ona görə də polisə məlumat verməyə ehtiyat edir. Yalnız o, 3 (üç) aydan sonra baş verənlər haqda mənə hər şeyi olduğu kimi danışdı. Onu da bildirim ki, hadisənin baş verməsindən xeyli vaxt keçdiyindən, Aygülün bədənindəki xəsarət izləri sağalıb. Belə bir səbəb üzündən də, o, məhkəmə tibbi ekspertizasından keçmək haqda edilmiş təklifdən imtina etdi. Məsələnin təəssüf doğuran tərəfi o oldu ki, Qaradağ RPİ-nin 10-cu polis bölməsinə ünvanladığımız şikayət ərizəsi əsasında araşdırma işləri aparılarkən, araşdırma işləri bitərəfli qaydada aparıldı və 10-cu polis bölməsinin təhqiqatçısı, polis mayoru Cəmşid Əliyev, CPM-nin müvafiq maddələrinin tələblərini əsas tutaraq, cinayət işinin başlanmasının rədd edilməsi haqda qərar çıxartdı. Bu da olduqca ədalətsiz bir qərar oldu. Düşünmək olar ki, o, belə bir addımlarını hansısa maraqlar çərçivəsində atır və ona görə də belə bir qərar çıxarır. Bundan əlavə, Qaradağ polisindən Yasamal rayon Prokurorluğuna daxil olmuş 128-C-18 saylı iş materialları da, prokurorluğun müstəntiqi, 1-ci dərəcəli hüquqşünas Sadıqov Kamran İlham oğlu tərəfindən araşdırılsa da, araşdırma işləri adı çəkilən vəzifə sahibi tərəfindən lazımınca həyata keçirilmir və sonda cinayət işinin başlanmasının rədd edilməsi haqda qərar çıxarlır. Yəni, müstəntiq çıxarmış olduğu qərarı onunla əsaslandırır ki, guya ki, aparılan araşdırmalar zamanı Babayev Hikmət Mirzəli oğlunun qızım Aygülü qeyd olunan tarixdə zorlaması ilə bağlı xüsusatlar öz təsdiqini tapmır, ortada cinayətin əlamətlərini işarə edən kifayət qədər dəlillər yoxdur, ona görə də cinayət işi rədd edilməlidir. Müstəntiq Azərbaycan Respublikası CPM-nin 85.39.1.1 və 213-cü maddələrinin tələblərini rəhbər tutaraq belə bir qərar çıxarır. Bu cür qərarlar da olduqca gülünc, olduqca əsassız qərarlardır. Əslində belə bir məzmunda qərarların çıxarılması, bizim bir vətəndaş olaraq hüquqlarımızı pozur və qanunun aliliyinin tapdaqlar altına düşməsinə yollar da açır. Ona görə də xahiş edirəm ki, üz-üzə

qaldığımız belə bir problemi sosial mediada ictimailəşdirəsiniz ki, hər kəs baş verənlərdən lazımınca xəbərdar ola bilsin. Eyni zamanda, üz-üzə qaldığımız belə bir zorakılıq əməlləri ilə bağlı təkrar araşdırma işlərinin aparılması yöndə, bizə lazımi köməkdarlığınızı da göstərəsiniz”. Bəli, biz də bir redaksiya olaraq Bakı şəhəri, Yasamal rayonu, Ş.Əsgərov küçəsində yaşayan Aybəniz Səlimova adlı xanımın redaksiyamıza ünvanladığı müraciəti əsasında Hikmət Babayevlə əlaqə saxladıq və adı çəkilən şəxsdən sadalanan ittihamlara münasibət bildirməsini xahiş etdik. O halda o, bir qədər bizi dinləyib “Mən sizə öz mövqeyimi bildirərəm” deməklə, telefonunu qapatdı. Elə ki, həmin gündən bir neçə həftə vaxt keçdi və qarşı tərəfdən heç bir səs-soraq eşidilmədi, son anda

məcbur olub bir daha adı çəkilən şəxsə zəng etməli olduq. Növbəti dəfə etdiyimiz telefon zəngimizə cavab verən şəxs Hikmət Babayevin qardaşı olduğunu bildirdi və o da, bizə bir qədər qulaq asdıqdan sonra “Həmin qadın şər-böhtan deyir, dediklərinin hamısı ağyalandır. Həmin qadın bir neçə nəfərə şər-böhtan atıb. Qardaşım Türkiyədədir və bir aydan sonra gələcək. Nə istəyirsiniz gedin onu da yazın, hamısı boş-boş şeylərdir” deməklə, danışıqlarına yekun vurdu. Elə ki, ona o, kimə şər-böhtan atıb, həmin şəxslərdən birinin, yaxud da ikisinin adını çəkə bilərsinizmi deyə sual verdik, o halda həmin şəxs telefonda nəsə demədi, kiminsə adını çəkə bilmədi. Bu da bir çox mətləblərin varlığıdan xəbər verir ki, o haqda da düşünməyə ehtiyac yaranır.

Bütün bunlara baxmayaraq, Aybəniz Səlimovanın dediklərini əsas götürməklə biz belə bir qənaətə gəlirik ki, atılan addımlarla bağlı ciddi araşdırmaların aparılmasına ehtiyac var. Düzdür, belə bir yanaşma gəldiyimiz qənaətlərdən biridir. Amma, o haqda da məlumatlar əldə eşitmişik ki, vaxtilə verilmiş şikayət ərizəsi ilə bağlı aidiyyəti üzrə lazımi araşdırmalar aparılmadığından, hal-hazırda toplanmış iş materialları Bakı şəhər Prokurorluğunun icraatındadır. Düşünürük ki, adı çəkilən bu qurumda baş vermiş hadisə ilə bağlı olduqca obyektiv, hərtərəfli araşdırmalar aparılacaq və Hikmət Babayevin Ayğül xanıma qarşı atdığı addımlar aşkara çıxarılacaq və məsuliyyəti də bəlli olacaq. Bir faktı da qeyd edək ki, indiyə kimi elə hallar olub ki, yaşanan hər hansı problemlə bağlı yerli qurumlarda araşdırmalar aparılıb, amma ortaya əsaslı nəticələr çıxarılmayıb. Elə ki, həmin problemlərlə bağlı Bakı şəhər Prokurorluğunda lazımi araşdırmalar aparılıb, o halda əsl həqiqətlər ortaya çıxarılıb. Yəni, hər kəsə bəlli olub ki, yaşadığımız bu dövlətdə şah qanun deyil, qanun şahdır.

“Gündəm Xəbər” redaksiyası olaraq bir daha qarşı tərəfin mövqeyini dinləməyə və dərc etməyə hazırıq.
GundemXeber.Az