Artıq xeyli müddətdir ki, sahibkarlıq fəaliyyəti ilə məşğul olan Bəybala Hüseynov, oğlu Emin Hüseynovun müəmmalı ölüm hadisəsi ilə bağlı Baş Prokuror Zakir Qaralova yüzlərlə müraciətlərini ünvanlasa da, ​ hələ də məlum olayla bağlı heç bir ciddi reaksiya verən tapılmır.

Yalnız bu ilin may ayının əvvəlində ölüm faktı ilə bağlı Baş Prokurorluq tərəfindən müəyyən açıqlama yayımlandı. Belə bir açıqlamanın qarşılığında tanınmış hüquq müdafiəçisi Oqtay Gülalıyev isə, həm adı çəkilən qurumun yaydığı açıqlamanı, həm də Bəybala Hüseynovun əlində olan lazımi sənəd-sübutları təhlil etməklə, məhz özünün gəldiyi qənaət əsasında açıqlama yaydı. Yəni, hüquq müdafiəçisinin gəldiyi qənaət o olur ki, Baş Prokurorluq tərəfindən yayılan açıqlama o qədər də ciddi əhəmiyyət kəsb etmir. Belə ki, adı çəkilən bu şəxs açıqlamanı yayarkən hansısa illüziyalara deyil, ortada olan sənəd-sübutlara və digər lazımi faktlara əsaslanır. Məsələnin diqqəti cəlb edən tərəfi o oldu ki, tanınmış hüquq müdafiəçisi Oqtay Gülalıyevin yaymış olduğu açıqlama 8 may 2019-cu il tarixdə, saat 02:11-də “Hüquq müdafiəçisi Respublika Baş Prokurorluğunu ifşa etdi-ŞOK GƏLİŞMƏ” başlığı adı altında Gündemxeber.az saytında yerləşdirilir və həmin gün, saat 16:00-da adı çəkilən saytın rəhbəri Şirin Cəfəri isə, Baş Prokurorluğa dəvət olunur. Ümumi məsələlər haqda müzakirələr aparıldıqdan sonra, ona Baş Prokurorluq tərəfindən xəbərdarlıq da olunur. Əslində belə bir addımın atılması, həm ölkə qanunlarının, həm də beynəlxalq hüquq normalarının ciddi şəkildə pozulması demək olur. Çünki, hansısa ölüm faktını araşdıran, kimlərinsə bilmədiyi, hətta eşitmədiyi olayları ictimailəşdirməyə qərar verən jurnalistə qarşı belə bir addımın atılması, heç cür yolverilməz haldır. Sual oluna bilər ki, jurnalistə qarşı bu cür addımın atılması söz azadlığının, sərbəst fikirin azad şəkildə ifadə olunmasının boğulması demək deyilmi?

​ ​ ​ Bəli, bu gün az qalır ki, dünyanın ən geridə qalmış ölkələri belə, Bəybala Hüseynovun oğlunun Türkiyədə müəmmalı şəkildə ölümündən xəbərdar olsunlar. Maraq doğuran halın varlığı odur ki, Baş Prokurorluğun əməkdaşı olmuş mərhum Emin Hüseynov, heç bir nəqliyyat vasitəsində qeydə alınmayan 10-TK-473 və 10 TX 473 nömrəli qara rəngli BMW markalı avtomobillə izlənməsi haqda öncədən rəhbərliyi məlumatlandırsa da, bu yöndə heç bir addım atılmır. Baş verən hadisə ilə bağlı qabaqlayıcı tədbirin görülməməsi, bu gün də müəyyən şübhələrin baş qaldırmasına əsas verir. ​ Buna baxmayaraq, 2017-ci ilin avqust ayında Emin Hüseynov həyat yoldaşı ilə birlikdə Türkiyədə istirahətdə olarkən məlumat çatır ki, ona məxsus iş otağı boşaldılıb. Məsələ ilə bağlı Emin Hüseynov atası Bəybala Hüseynova otağının boşaldılması haqda məlumat verir və o, oğlundan belə bir xəbəri eşitdikdən sonra, dəfələrlə Baş Prokuror Yanında Korrupsiyaya Qarşı Mübarizə Baş idarəsinin rəis müavini Əli Nağıyevlə əlaqə saxlamağa çalışır və son anda nəyəsə nail ola bilmir. Nəhayət dəhşətli ölüm hadisəsi baş verir. Yəni, bir neçə gündən sonra Emin Hüseynov Türkiyyədə istirahət edərkən qəfil halı pisləşir və müəmmalı şəkildə də dünyasını dəyişir. Belə bir olayın baş verməsindən sonra, mərhumun atası Bəybala Hüsynov da ciddi şübhələr baş qaldırır və lazımi araşdırmalar aparmağa qərar verir.

Çox çətinliklə də olsa, əsaslı faktlar əldə edə bilir. Bəybala Hüseynov əldə etdiyi rəsmi sənədləri əsas tutaraq Zakir Qaralova müraciətlər ünvanlayır və onu qeyd edir ki, “Prokurorluğun işçisi olan ​ Emin Hüseynov öldürülüb və ölümə səbəb olan şəxslər haqqında ciddi ölçü götürülsün”. Çox təəssüflər olsun ki, hələ də Baş Prokurorluqdan əsaslı cavab verilməyib. Çünki, Emin Hüseynovun atası iddia edir ki, oğlumun ​ ölümünü Baş Prokuror Yanında Korrupsiyaya Qarşı Mübarizə Baş Idarəsinin vəzifəli şəxsləri təşkil etdiklərindən, ​ hələ də Zakir Qaralov baş vermiş cinayət işinin açılmasına qərar vermir.

GundemXeber.Az