12 yanvar 2019-cu il tarixində Şirvan şəhər Yol Patrul Xidməti əməkdaşları tərəfindən qovularaq təqib olunan və bu zaman baş verən avtoqəza nəticədə həyatla vidalaşan Azər Şamiyevin doğmaları, cinayət işi üzrə sübut və dəlillərin saxtalaşdırılması, ibtidadi istintaqın qeyri-düzgün aparılmasıyla bağlı ölkə prezidentinə, Birinci vitse-prezidentə və Daxili İşlər naziri Vilayət Eyvazova təkrarən müraciət edib.

Müraciətdə deyilir:



Hörmətli ölkə başçısı, birinci vitse-prezident Mehriban xanım, Daxili İşlər naziri!

Mənim sizə ikinci dəfə müraciət etməkdə məqsədim budur ki, oğlum Azər Fərəməz oğlu Şamiyevin Şirvan Yol polis bölməsinin əməkdaşları tərəfindən öldürülməsi faktına bugünədək hüquqi qiymət verilməyib, cinayətkarlar azadlıqdadır. Hazırda Neftçala və Saatlı rayonlarında xidmət göstərirlər.



Şirvan şəhər hüquq-mühafizə orqanları cinayət işi üzrə istintaq hərəkətlərini düzgün aparmır, maddi sübutların saxtalaşdırılmasına yol verir. Şirvan şəhər Polis İdərəsi hadisə zamanı kamera görüntülərini istintaqdan yayındırmaqla qatil əməkdaşlarını məsuliyyətdən yayındırır.

Haqq- ədalət öz yerini tapmayıb.Oğlumun qatilləri rüşvət müqabilində məsuliyyətdən yaxa qurtarmağa müvəffəq olublar.



Mən ağbirçək ana qismində sizlərdən bir daha xahiş edirəm, yalnız sizə güvənirəm, işə yenidən baxılsın.Oğlumun 4 övladını yetim qoyan Nazim Mirzəyev və Sadiq Həsənovun cinayət əməllərinə hüquqi qiymət verilsin. Çox xahiş edirəm, ədalətin bərpa olunmasında bizə kömək edin.



Sizdən xahiş edirik ki, pozulmuş hüquqlarımın bərpa olunmasında Şamiyevlər ailəsinə köməklik edəsiniz və bizim məsələni GundemXeber.Az saytı vasitəsi ilə ictimailəşdirəsiniz.

Əvvəlcədən sizə dərin minnətdarlığımızı bildiririk.



Materialla bağlı daha ətraflı videomüraciəti təqdim edirik: