"İndi ki, dövrdə xeyirxah insanlar barmaqla sayılacaq qədər azdır".

Belə insanlardan biri də, Şanlı Aprel Döyüşlərində rəşadətlə döyüşərək, qəhrəmancasına həlak olmuş, Şəhid Elimdar Səfərovun qardaşı, Elzibar Səfərovdur. O, hər il, 26 iyul günü, qardaşı üçün onlara verilən illik Şəhid təqaüdü ilə, onlarla (bu günədək yüzlərlə) imkansız ailələrin övladlarını sünnət etdirir, dini qaydalara görə, onları "müsəlman" edir.

O da, bizə məlum oldu ki, Vətən, Dövlət, Xalq üçün canından keçən Şəhidimizin qardaşı, elə qardaşının ruhunun rahatlıq tapması üçün, bu xeyirxah işləri görür.

Bəs görəsən o, nə üçün bu işləri məhz 26 iyulda edir, təqvimdə olan bu qədər günlər içində...

Sən demə, həmin gün Qəhrəman Şəhidimiz Elimdarın doğum günüdür.

Xeyirxah qardaş hesab edir ki, məhz bu gündə, (26 iyul) bu vəsaitlə ( şəhid təqaüdü) gördüyü işə görə, qardaşının ruhu şad olar.

Elzibar Səfərov: "Mən qardaşım Şəhid olandan demək olar ki, hər il bu işləri görürəm. Amma bu işləri tək etmirəm. Bu işdə Elimdarın döyüş yoldaşları da, mənə maddi köməklik göstərirlər. Biz ömrümüzün sonuna qədər, belə savab işlər görəcəyik ki, qardaşımın ruhu şad olsun".

P.S. Bizə redaksiya olaraq, deməyə bir söz qalır. Xeyirxah insanlar, Allah sizlərə bu savab əməllərinizə görə, Cənnəti nəsib etsin inşallah!

Allah Şəhidimiz Elimdara Rəhmət Eləsin!

Ruhun Şad olsun ki, Elzivar kimi qardaşın və qeyrətli döyüş yoldaşların var Şəhidim!