19 oktyabr mitinqindən sonra, bir müddət öncə planlaşdırılan islahatlara Prezident Ilham Əliyev tərəfindən start verildi və getdikcə sürətləndirilir.

Siyasi arenada olanlar, araşdırmaçı mütəxəssislər yaxşı bilirlər ki, Prezidentin Administrasiyasının rəhbəri Ramiz Mehdiyev 2012-ci ilə qədər ölkədəki ictimai-siyasi duruma nəzarət edə bilirdi. Məlum tarixdən bəri, bu sahənin kurasiyası Azərbaycan Respublikası Prezidentinin İctimai-siyasi məsələlər üzrə köməkçisi - şöbə müdiri
Əli Həsənova həvalə edildi, daha doğrusu, o, bu vacib sahəyə nəzarəti tam ələ keçirə bildi. Belə bir səlahiyyət dəyişikliyindən sonra, ölkədə ictimai-siyasi vəziyyəti normal tənzimləyən müstəqil media qurumlarının işi dalana dirəndi, eləcə də QHT sektoru olmazın əziyyətlərlə üz-üzə qaldı. Eyni zamanda, onun birbaşa göstərişi ilə, hüquq-mühafizə orqanları tərəfindən media fəallarına qarşı saysız-hesabsız cinayət işləri qaldırıldı və onların startı verilən həbsə atılma prosesi getdikcə daha da sürətləndirildi. Əli Həsənov qələminə hörmət edən media nümayəndələrinin başına hansı oyunları açmadı?!
Baş verən bu xoşagəlməz olayların, Əli Həsənovun hakimiyyətin yuxarı eşalonuna çatdırdığı yalan informasiyalar əsasında həyata keçirildiyi hamıya bəllidir. Hamıya o da məlumdur ki, baş verən belə hadisələrdən sonra, ictimai fəallar Avropa və digər xarici ölkələrə qaçmağa məcbur edildilər. İctimai-siyasi mühiti belə bir ''təmizləmə prosesindən" sonra, formal çap mediası və QHT Şurası yaradıldı və elə, bu sahəni də, Əli Həsənov əlində cəmləşdirə bildi. Birmənalı şəkildə qəbul etmək lazımdır ki, onun bağışlanmaz günahları ucbatından, dövlət büdcəsindən media və QHT adı altında talanan milyonlarla manatın şəxsi ciblərə ötürülməsi ictimaiyyət arasında böyük narazılığa səbəb olur və olmaqda davam edir.
Onun başlatdığı belə bir yarıtmaz siyasətin ağır zərbələri milli təhsil sahəsindən və tele-radio məkanından da yan keçmədi.
Bunu kim bilmir ki, adları qeyd olunan sahələrdə minlərlə mütəxəssis və fəal ziyalımız fəaliyyət göstərirdi. Sözsüz ki, Əli Həsənovun "Parçala, hökm sür!" siyasəti nəticəsində, minlərlə mütəxəssis və ziyalının işsiz qalması və siyasi mühacir həyatı yaşaması hakimiyyətin ünvanına xoş sözlər gətirmədi. Əksinə, bu, hakimiyyətə qarşı ictimai münasibətin getdikcə daha da aqressivləşməsi ilə nəticələndi. Keçmişə nəzər salsaq, bir daha görərik ki, Ramiz Mehdiyevin idarəetmə siyasətində yuxarıda adlarını çəkdiyimiz qurumların hamısı normal fəaliyyət göstərirdilər. Hətta siyasi partiyalar belə yüksək templə iş prosesini həyata keçirə bilirdilər. Lakin Əli Həsənov metodunun ağrıları hamını, hər şeydən məhrum etdi. Bu gün yaş həddini keçən məmurların vəzifələrindən azad olunmaları, heç də Azərbaycan xalqına və ziyalısına xoş təsir bağışlamadı. Yenə də, insanlar yerli tv-ləri deyil, xarici tv-ləri izləyirlər. Əgər ölkə rəhbəri öz köməkçisi Əli Həsənovu tutduğu vəzifəsindən azad etsə, o halda cəmiyyət tərəfindən mütləq böyük rəğbət qazana bilər. Bu gün böyük ziyalı auditoriyasında gəzən söz-söhbətlərdə daha çox o qeyd olunur ki, insanların qəzəbinə səbəb olan Əli Həsənovun və onun kimi digər məmurların islahatlara yox, islah müəssisələrinə göndərilmələri daha ədalətli olardı.
Gündəmxəbər.az saytı olaraq, bu mövzuda araşdırma yazıları da çox dərc etmişik. Belə yazılara yenidən start verməyi planlaşdırırıq. Saytımızı izləyin.

Gundemxeber.Az