Azərbaycan Respublikasının Prezidenti Cənab İlham Əliyevə, Azərbaycan Respublikasının Birinci vitse-prezidenti Mehriban xanım Əliyevaya.

Astara rayon Sərək kənd sakini Höccətova Şəms Mais qızı tərəfindən

MÜRACİƏT

Cənab Prezident, hörmətli Mehriban xanım!

Keçən ilin fevral ayında Samirə adlı xanıma 30 000 (otuz min) manat dəyərində qızıl zinət əşyaları vermişəm.Eyni zamanda qeyd edim ki, bu qızıl zinət əşyalarını Səmədova Aytən Novruz qızı zamin duraraq götürüb mənə verib. Bir il keçsədə Samirə ona verdiyim qızılı qaytarmayıb. Keçən ilin aprel ayında Daxili İşlər Nazirliyinin 102 xidmətinə zəng vurub bununla bağlı şikayət etmişəm, polis bölməsində olmuşam, Mehriban xanımada müraciət etmişəm. Lakin bu günə kimi heç bir tədbir görülməyib. Hətta şikyətimi araşdıran Pərviz adlı təhqiqatçı mənə bildirdi ki, «azyaşlı uşağn var .bu şikayətinə görə qorxmursan»

Bir neçə gün bundan əvvəl iş yerimə iki nəfər Emin və Arzuman adında şəxslər gələrək əvvəlcə özlərini polis əməkdaşı kimi təqdim edərək bildirdilər ki, mən onlarla polis bölməsinə getməliyəm.Mən onlara bildirdim ki, iş saatım hələ sona çatmayıb.Sona çatsın hara istəsələr orada gedərəm. İşdən sonra Emin və Arzuman yenidən görüşdülər və güya məndən polis bölməsinə gedərək izahat alınması adıyla məni maşına otuzdrdular.Onların maşınına oturmağımın səbəbi Aytənin maşında olaması idi. Məndə sevindim ki, aylar öncə verdiyim şikayətlə bağlı gəliblər. Nə yaxşı ki, bu problemimlə bağlı maraqlana oldu. Lakin maşına oturan kimi Emin özünü Röşən Lənkəranskinin əmisi oğlu kimi təqdim etdi və Emində Arzumanda mənə bildirdi ki, onlar kriminal aləmin avtaritetlərindəndilər. Baş kəsmək adam öldürmək onların əlində iki vur ikidir. Sonrada başladılar mənə hədə-qorxu gəlməyə ki, qızıl zinət əşyalarını Samirəyə verməmisən. Bu sənin planındır ki, onu aldadıb qızıl zinət əşyalarını almısan. Onlar səndədir, deyib kəsici alət çıxaraq məni və azyaşlı övladımı öldürəcəkləri ilə hədə qorxu gəldilər. Eyni zamanda mənə bildirdilər ki, evini sat gətir ver bizə. Əgər pulu çatdırmasan özündən küs. Gecə saat ona kimi məni maşında saxladılar.Sonrada mənə məcbur etdilər ki, yaşadığım evin ünvanını onlara göstərim və məni yaşadığım evimə gətirdilər.

Arzuman 15 və 16.03.2020-ci il tarixlərində gecə dəfələrlə mənim vatsap nömrəmə səslər ataraq məni və doğmalarımı təhdid edirək olümlə hədələyir və nalayiq söyüşlərlə məni təhqir etmişdir.Mən əlacsız qalaraq DİN-in 102 xidmətinə zəng vurdum və bu barədə məlumat verdim.Bundan sonra Xəzər RPİ-nin 1-ci PŞ-nin təhqiqatçısı Vasif Həsənov evimə gələrək məndən izahat aldı.

Bununla bağlı dünən Baş Mütəşəkkil Çinayətkarlığa Qarşı Mübarizə İdarəsində oldum.Lakin istirahət günü olduğu üçün məni qəbul edib şikayətimi dinləyən olmadı.Sabah yenədə həmin idarəyə gedəcəm və onlardan mənim və doğmalarımın həyat təhlükəsizliyimizin təmin olunması üçün köməklik olunmasını xahiş edəcəm.

Cənab Prezident, hörmətli Mehriban xanım!

Mən anlaya bilmirəm ki, hansı dövrdə yaşayırıq ki, hüquqi dövlətdə kimsə vətəndaşı öldürməklə hədələsin? Arzuman və Eminin arxasında kim dururki, onlar qoçuluqla məşğul olmaqdan çəkinmirlər?

Xahiş edirəm mənim, övladımın, anamın, doğmalarımın,əzizlərimin və yaxın bildiyim şəxslərin həyat təhlükəsizliyimizin təmin olunması üçün ciddi tədbir görülməsinə tapşırıq verəsiniz. Eyni zamanda bizim başımıza hər hansı bir iş gəlsə bu işdə Samirə, Emin və Arzuman birbaşa məsuliyyəti daşıyırlar

Bütün mətbuat orqanlarındanda xahişim budur ki, mənim bu müraciətimi ictimailəşdirsinlər və nəzarətə götürsünlər.

Gundemxeber.Az