Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlının istefası tələb edilir.

GundemXeber.az-ın xəbərinə görə, buna səbəb 25 və 26 iyul tarixlərində its.gov.az portalından vətəndaşlara koronavirus testinin nəticələri haqqında göndərilən məlumatda texniki xəta ilə əlaqədar yanlışlıqdır.

Sosial şəbəkə istifadəçiləri qeyd ediblər ki, bu addım xeyli insana stress yaşadıb. Bildirilib ki, bu addım yoluxmanın artmasına zəmin yaradıb, çünki koronavirusa yoluxan şəxsin testinin nəticəsi neqativ göstərilibsə, bu, həmin insanın arxayınlaşmasına səbəb olub, beləliklə, digərlərinin də yoluxması istisna edilmir. O da vurğulanıb ki, koronavirusa yoluxmayan şəxsin testinin nəticəsinin pozitiv göstərilməsi əlavə stress yaşadıb. Qeyd olunub ki, xarici ölkələrdə bu cür hallara görə məsuliyyət daşıyan şəxslər özləri könüllü şəkildə istefa verirlər./pravda.az