Bu ilin aprel ayında Ağsu Rayon İcra Hakimiyyətinin başçısı Vahid Tağıyevin rəhbərliyi ilə Ağsu dolaylarında olan iaşə obyektərinin məhkəmə qərarı olmadan sökülməsinə başlanıldı.

Söküntü işləri Ağsu rayon sakinlərinin narazılığına səbəb olsa da, söküntü pandemiya dövründə və Ağsuda insanların SMS-lə hərəkət etdiyi bir vaxta düşdüyünə görə, sakinlər söküntüyə mane ola bilmədilər. Karantin rejimini fürsətə çevirən rayon rəhbərliyi “Prezident Administrasiyasının tapşırığı” adı altında bir çox obyektlərin tam olaraq, bir çoxunu isə qismən sökülməsinə nail oldu.

Ağsu dolaylarında yeganə qadın sahibkar olan Nüşabə Cəfərovaya məxsus, bütün texniki standartlara və hüquqi sənədlərə cavab verən kafe də icra başçısının söküntü tapşırığı nəticəsində tamamən sökülüb.

Məsələ ilə bağlı Hurriyyet TV-yə danışan sökülən obyektin sahibi Nüşabə Cəfərova və Ağanəsib Cəfərov bununla bağlı aidiyyəti orqanlara müraciət etdiklərini deyərək, kompensasiya tələb etdiklərini bildiriblər.

Həqiqətən də hər kəs üçün maraqlıdır, ölkədə karantin rejimi elan edildiyi və dövlət başçısının hətta özünün də iclas və müşavirələri onlayn şəkildə keçirdiyi bir zamanda, Ağsu Rayon İcra Hakimiyyətinin başçısı onlarla işçini bir yerə toplayaraq, söküntü işlərini hansı qanun əsasında həyata keçirib..? Bundan başqa, sökülən obyektlərlə bağlı məhkəmə qərarı varmı? Təbii ki, bu suallara hər kəs qanun qarşısında cavab verəcək.

Qarşı tərəfin də mövqeyini dərc etməyə hazırıq.

Gundemxeber.Az.az Hurriyyet TV-yə istinadən həmin videonu təqdim edir:



Söküntü getdiyi zaman çəkilən videonu təqdim edirik:



Gundemxeber.Az