Azərbaycan Respublikasının Prezidenti cənab İ. Əliyevə, Azərbaycan Respublikasının Birinci Vitse-Prezidenti xanım M.Əliyevaya,

Azərbaycan Respublikasının Baş naziri cənab Əli Əsədova,

Azərbaycan Respublikasının Sosial Müdafiə Nazirinə,

Azərbaycan Respublikasının İqtisadiyyat nazirinə,

Azərbaycan Respublikasının Səhiyyə nazirliyinə,

Azərbaycan Respublikasının Ailə uşaq Qadın problemləri Dövlət Komitəsinə,

Azərbaycan Respublikasının Ombudsman Aparatının sədrinə,

Dövlət Qaçqılar və Məcburi Köçkünlər Komitəsinin sədrinə,

Dövlət Təhlükəsizlik Xidməti rəisinə,

H.Əliyev Fondunun vitse-prezidenti xanım Lela Əliyevaya,

Dövlət Qaçqılar və Məcburi Köçkünlər Komitəsinin Beyləqan şöbəsinə,

Mətbuat orqanlarına. Beyləqan rayon İcra Hakimiyyəti başçısına.

Fizuli rayonun Aşağı Veysəlli kəndindən məcburi köçkün,hazırda Beyləqan rayonunda qeydiyyatda olan və Bakının Sabunçu rayonu, Ramana qəsəbəsi, Mərkəzi küçə, 19-cu keçiddə yaşayan Bəylərov Rasim Baratəli oğlu tərəfindən

“ 27 ildir ki, məcburi köçkün və xəstələr ailəsi kimi qeydiyyatda olduğum Dövlət Qaçqılar və Məcburi Köçkünlər Komitəsinin Beyləqan rayon şöbəsindən bizim 4 nəfərlik ailəmizin dövlət hesabına tikilmiş mənzillə təmin olunmağımız” barədə

Ə R İ Z Ə

Çoxhörmətli Prezident cənab İlham Əliyev, 1-ci vitse-prezident xanım Mehriban Əliyeva və H.Əliyev Fondunun vitse-prezidenti xanım Leyla Əliyeva! Sizin daima bizim kimi şəhid ailələri və məcburi köçkünlərin məişət problemlərini diqqətdə saxlamağınız, tez tez görüşlər keçirməyiniz və yardımçı olmağınız bizləri ruhlandırır ki, tezliklə dədə-baba ocağımıza qayıdacağıq. Lakin onu da başa düşürük ki, hələlik gözləmək lazımdır ki, Ali Baş komandan kimi Sizin əmriniz verilən kimi biz torpaqlarımızı tez bir zamanda düşməndən azad edək. 1993-cü ilin payızında ailəmin yaşadığı Fizuli rayonun Veysəlli kəndinə erməni hücumları nəticəsində hamılıqla kənddən çıxarılaraq Beyləqan rayonunda məskunlaşmıq.(O vaxtdan biz 4 nəfər ailə

üzvlərimlə birlikdə.) 1993-cü ildən bir idarə binasının 1 otaqlı darısqal yerində uzun müddət yaşamışıq. Belə dözülməz şəraiti olan yerdə arvadım Sevdada nevroloji xəstəlik aşkarlandı. Sonradan 2-ci qrup əlil oldu. Bu günədək onun müalicəsini etdirirəm. Oğlum Bəylərov Baratəlini fəhləlikdən ordi sıralarına xidmətə yola saldım. Və qara günlərim bundan sonra başladı. 3 aydan sonra öyrəndim ki, oğlum ağır talasemiya xəstəsi imiş Və onu bu xəstəliyinə görə tərxis etdilər. Mən ailəmdə olan hər iki üzvünü ciddi xəstəliklərinin müalicəsi üçün 2010-cu ildən Bakıya köçüb kirayədə yaşamağa məcbur oldum. Təkbaşına onları müalicə etdirirəm. Artıq 5 aydan çoxdur ki, vəziyyətin ağırlığından kirayə haqqını verə bilmirəm. Budur bu ayın axırına dək mənə vaxt verilib ki, kirayə haqqını ödəyim. Əgər ödəməsəm xəstə ailəmlə birlikdə küçələrdə qalcağam. Beyləqan qaçqınkomun sədri Əzimov Allahverdi ayrıseçkilik edərək mənim kimi kasıba ev vermir. 10 ildir ki, mən Beyləqan rayonundan iki xəstə ilə çıxmışam. Və bir neçə dəfə qəbulunda olmuşam. Açığı maddi gücüm çatmadığı üçün bu günədək evsiz qalmışam. Artıq bilmirəm nə edim. Bircə o qalıb ki, Bakı küçələrində 1 çadır qurmam üçün mənə bir yer ayrılsın. Belə yer ayrılmasa da gərək mən məcbur olub 2-ci ölkədən sığınacaq verməsi üçün müraciət edəm. Ona görə də son ümid yeri kmi Cənab Prezident Sizdən çox xahiş edirəm ki, hazırkı iki ağır xəstə ailə üzvümlə qaldığım çarəsiz durumu nəzrə alaraq, qaçıqın evi almaq üçün verməyə pulum olmadığı üçün mənim problemimi şəxsi nəzarətə götürüb həll olunmasına göstəriş verəsiniz. Sağ olun.

Əlavə sənədlər. 3 vərəqdə.
İmza: Bəylərov Rasim əlaqə 050-862 65 76.



GundemXeber.Az