Məlumata əsasən BDU Şərqşünaslıq fakultəsinə magistrlar üzrə dekan müavini vəzifəsinə, BDU-nun keçmiş İlahiyyat fakultəsi dekan müavini Nigar İsmayılzadə təyin olunmaq üzrədir.

Nigar İsmayılzadənin, keçmiş İlahiyyat fakultəsindəki fəaliyyətinə nəzər salanda bu qərara təəccüblənməmək olmur. Belə ki, İsmayılzadə, dekan müavini vəzifəsində işləyərkən, tələbələrlə baş verən rüşvət qalmaqalı ilə gündəmə gəlmişdi. İlahiyyat fakultəsi müəllim heyəti, BDU-nun keçmiş rektoru Abel Məhərrəmova, Nigar İsmayılzadə ilə eyni elmi mühitdə işləmək istəmədiklərini bəyan edən, İsmayılzadəni tutduğu vəzifədən uzaqlaşdırılmasını xahiş etmək məqsədi ilə yazdıqları və imzaladıqları ərizə, daha Abel Məhərrəmova gedib çatmamış, Abel Məhərrəmov, müəllim heyətindən bir neçəsini yanına çağırıb, hədə qorxu gələrək susdurmağı bacarmışdı. Beləliklə, Nigar İsmayılzadə BDU İahiyyat fakultəsindəki vəzifəsinin icrasına davam etmişdi. Rüşvət məsələsini iddia edən tələbəsini məhkəməyə verən Nigar İsmayılzadənin məhkəmə prosesi, ictimai nəzarətin müşahidəsi altında aylarla davam etmişdi. Məhkəmədə, Nigar İsmayılzadənin, bir tələbə qızın hamilə olduğu üçün, dərslərə gələ bilmədiyi nəticəsində imtahana buraxılmayacağını bildiyinə görə, illik tədris jurnalını qeyri qanuni olaraq dəyişdiyini etiraf etsə də, rüşvətin verildiyinə dair canlı şahid olmaması səbəbiylə məhkəmə işi İsmayılzadənin xeyrinə həll olunmuş, dekan müavini rüşvət iddiası edən tələbəsinin həbsini tələb etmişdi. Bir ilə yaxın müddətdə ictimai qınağa səbəb olan iki qeyri bərabər qüvvənin çəkişməsi, səfir bacısı Nigar İsmayılzadə ölkədə tanınmış ən güclü vəkilləri ilə qarşısında isə bir tələbə. Nəticə gözlənilən olmuşdu. Aylarla sürən və mətbuatın gündəmindən düşməyən bu qalmaqalın nəticəsi olaraq, BDU İlahiyyat fakultəsi bağlandıqdan sonra Azərbaycan prezidenti İlham Əliyevin əmri ilə açılmış, Azərbaycan İlahiyyat institutu müəllim işçi heyəti arasında Nigar İsmayılzadə artıq yox idi. Müşahidəmizə görə, Bakı dövlət universiteti (BDU) rektoru Elçin Babayev belə bir "qalmaqallı" kadrı, belə bir mühim vəzifəyə gətirməklə, sələfi olduğu Abel Məhərrəmovun iziylə, elə onun yol verdiyi səhvlərə yol verərək yeriyir. Nigar İsmayılzadənin idarəçilik fəaliyyətindən narazı olan BDU-nun keçmiş İlahiyyat fakultəsinin müəllim-işçi heyətinin bir vaxtlar rektor Abel Məhərrəmova yazdığı və imzaladığı amma ünvanına yetişməyən ərizənin surətini, sizlərə təqdim edirik. Ərizədə, Nigar İsmayılzadənin tələbələrə, maddi imkanına görə qoyduğu ayrı seçkilikdən şikayət edən müəllimlər bir çox başqa mühim məqamlara da toxunurlar. Ərizənin sonunda, "Yuxarıda göstərilənləri nəzərə alaraq, professor müəllim heyəti olaraq, müqəddəs müəllim adına xələl gətirən Nigar İsmayılzadə kimi bir şəxslə eyni kollektivdə çalışmaq istəmədiyimizi nəzərə almağınızı xahiş edirik" deyə qeyd edirlər. Görünür bəzən, görünən dağa da bələdçi gərək olur./Xəbərfakt.az/