“Polis xalqla Prezident arasında uçurum yaradır”

Qarabağda qızğın döyüşlər getdiyi, Prezident İlham Əliyevin gecə-gündüz siyasi görüşlər keçirdiyi, danışıqlar apardığı, 30 dan çox müsahibələr verdiyi,xalqda mənəvi dəyərlərin baş qaldırdığı, insanların olum ya ölüm şüarı ilə alışıb yandığı, vətən müharibəsi apardığı bir vaxtda, Xəzər Rayon Polis İdarəsinin müstəntiqi, polis kapitanı Anar Bəxtiyarovun insanları "inək kimi sağmaqla” sürlətlə varlanmaq istəyi barədə şikayət bizə daxil olmuşdur.

“Araz Media” redaksiyasına daxil olan bu qandonduran şikayəti araşdırmaq üçün, əməkdaşımız Hacıağa Qayıbov Bakı Şəhər Baş Polis İdarəsinin Xəzər Rayon Polis İdarəsinə ezam olunmuşdur.

Gözünu pul tutan müstəntiq, təqsirləndirilən şəxslə, onun kabinetinə daxil olan jurnalist, müstəntiqin qanunları aşaraq, lotuluq etdiyini müşahidə edib, təsirləndirilən şəxsə qorxmamağı və təhqiqatda verdiyi izahatı dəyişməməyi tövsiyə etmişdir. Çünki, şəxslə söyüşlə dialoqa keçən müstəntiq, təqsirləndiriləni qorxudaraq, ondan öz dediklərini yazmağı tələb edib. Jurnalist onu qanunları tapdalamamağa dəvət etdikdə isə o, jurnalisti təhqir etməkdən belə çəkinməmişdir."Mən müstəntiqəm, buranın ağasıyam.Qoluma bax, DİN yazılıb. Bu da o deməkdir ki, mən nazirimdən başqa heç kimi saymamalıyam və saymıram da. Sizlər ona-bura xahiş edərək, pulumuzu əlimizdən çıxarırsınız. Get, hara istəyirsən şikayət et. Burada ağa mənəm deyərək, peşə fəaliyyətini yerinə yetirən jurnalistə qarşı böuük bir hörmətsizlik etmişdir.

Jurnalist müstəntiqin şər-böhtanla qaynadığını, "alışıb-yandığını" görərək, rəhbərliyinə məruzə edərək, oradan uzaqlaşmışdır.

Görəsən, jurnalistin gözü qarşısında insanlarla belə kobud rəftar edn polislər, təklikdə onları nələrə imza atmağa məcbur edirlər? Görəsən, polisin bu aqressiyası haradan qaynaqlanır? Görəsən, bu külli-ixtirarı müstəntiqə kim verib? Məgər polisin işi yalnız vətəndaşları şərləyib, tutdurmaqdırmı? Azərbaycan və dünya dövlətlərinin qanunlarına görə, hətta ən ağır cinayət törətmiş şəxsləri belə dövlətlərin qanunları müəyyən qədər müdafiə edirsə, uzaq qohumunu itələyərək yerə yıxan, 3 gün sonra isə ikitərəfli barışan adamları "şirinlik" vermədikləri üçün tutdurmaq hansı qanunlara sığır?

Qeyd edək ki, "hadisə" olan ərazidə “xidmət aparan”I-Cİ Polis Bölməsinin təhqiqatçısı İman adlı polis, vətəndaşdan 5000 manat pul tələb edib. Fəhləliklə yaşayan həmin şəxs bu pulu verə bilmədiyi üçün İman, polis idarəsinə "materialı” (material demək mümkünsə əgər) göndərmiş və müstəntiq Anar Bəxtiyarovla işbirliyinə girərək, təqsirləndirilən şəxsdən nə olursa-olsun, pul almağı planlaşdırıb.

Maraqlı suallar meydana çıxır. Məgər polis bilmir ki, prezident İlham Əliyev çox vaxt polisin bu kobud, qaba hərəkətlərinə görə Avropanın təxribatçı, öyrədilmiş jirnalistlərinə cavab verməli olur olur?

Hər dəfə Insan Hüquqları üzrə Müvəkkil (Ombudsman) Milli Məclisdə hesabatlarında, vətəndaşların əksəriyyətinin şikayətinin məhz Daxili İşlər Nazirliyinin əməkdaşlarından olduğunu bildirir.

Görəsən nə üçün Daxili İşlər Nazirliyi bu halları aradan qaldırmır?

Redaksiya olaraq, Xəzər Rayon Polis İdarəsindən tələb edirik ki, vətəndaşların öz aralarında barışdıqlarıni, Avropa konvensiyasına tərəfdaş çıxmış dövlət olaraq cəzaların humanistləşdirilməsini nəzərə alaraq, həmin işə xitam versin və Daxili İşlər Nazirliyidən xahiş edirik ki, polis etikasindan xəbərsiz olan, peşə fəaliyyətini yerinə yetirən jurnalisti əsassız olaraq təhqir edən, "day-dayına" güvənərək özbaşınalıq edən, şəxsi mənafeyini güdərək, dava edən şəxslərin öz aralarında barışmalarını nəzərə almayan, “şirinlik” verə bilməyən gənc ailə başçısını tutdurmaq istəyən müstəntiq Anar Bəxtiyarov barəsində qanuni ölçü götürsün.

Xatırladaq ki, Xəzər Rayon Polis İdarəsinin yeni rəisi, Qaradağdan Xəzər rayonuna təyin olunan Əli İbrahimovdur.

DİN-nin İctimaiyyətlə Əlaqələr Şöbəsinin rəisi Ehsan Zahidovla danışıq cəhdimiz baş tutmadı. Həmişəki kimi...

Məsələni layiqli həllini tapanadək gündəmdə saxlayacağıq.

Hacıağa Qayıbov