EKOLOGİYA NAZİRLİYİNİN ƏMƏKDAŞLARININ AMERİKA MACƏRALARI

Ekologiya və Təbii Sərvətlər Nazirliyinin Milli Hidrometeorologiya Xidmətinin adının çəkilməsini istəməyən əməkdaşlarından biri Nazir cənab Muxtar Babayevə müraciət ünvanlayıb. O, həmin müraciətin bir surətini də “Deryaz.az” saytına göndərib. Həmin müraciəti olduğu kimi dərc edirik:
“Cənab Nazir!
Yazıb Sizə bildiririk ki, Audit Xidmətinin bölmə rəisi Nail Nəsibov əməkdaşlarla kobud rəftar etməkdə davam edir. O, vəzifə səlahiyyətlərindən sui-istifadə edir. Rüşvətə meylli olan bu şəxsi Nazirlik daxilində hansısa bir görünməyən əl qoruyur. N.Nəsibovun himayədarı olduğundan işçilərlə kobud rəftardan çəkinmir. O, pandemiya dövründə özünə yaxın olan işçiləri topa halında ətrafına yığır. Karantin qaydalarını pozur, kollektivə hörmətsizlik edir.Xatırlatmaq istəyirik ki, Nail Nəsibov içkili olduğundan, onunla ABŞ-a ixtisasartırma kursuna gedən beş nəfər əməkdaşlarımızdan Zaur Əlimuradovla dava etmişdi. Zaur ƏIlimuradov ona qərib yerdə olduqlarını, şit zarafatın yeri olmadığını xatırlatsa da, xeyri olmayıb. Bir-birinə xəsarət yetirən bu iki şəxs ertəsi gün tədbirə gözlərində qara eynək taxaraq çıxmağa məcbur olmuşdular. Həmin dava Nazirlik tərəfindən doğru araşdırılmadı.Əvəzində ölkəmizi xaricdə biabır edən bu şəxsin vəzifəsi artırıldı.
Nəsibov aludəçisi olduğu spirtli içki və narkotik təsirindən kobud hərəkətlərə yol verməklə əməkdaşlarının şəxsiyyətlərini belə təhqir etməkdən çəkinmir. Dəfələrlə barəsində “yuxarı” şikayətlər edilsə də, heç bir nəticəsi olmayıb. Cəzasız qaldıqca daha da azğınlaşır, hətta xidmət rəisinin belə ona “güldən ağır” söz deyə bilməyəcəyini deyir. Nəsibov hər cür bəhanələrlə işçi qızları öz xidməti kabinetinə çağırıb onları hədələyir.



Artıq Nail Nəsibovun dosyasında CM-nin 128-ci maddəsi ilə təqsirləndirildiyi barədə 12.04.2020-ci il tarixli məhkəmə hökmü və 24.07.2008- ci ildə Binəqədi rayon məhkəməsinin hökmü ilə 234.1 maddəsi ilə qanunsuz olaraq narkotik vasitələrindən istifadə etmə cinayəti üzrə 11 ay 28 gün həbs cəzası var.



Saxtakarlıqla məşğul olan bu şəxs özünə saxta əlillik dərəcəsi təyin etdirməkdən belə çəkinməyib. Xahiş edirik ki, Nazirliyimizin adına xələl gətirən bu “şəxs” barədə ölçü götürəsiniz. Çünki onun çalışdığı sahə ilə bağlı savadı və təhsili yoxdur. Nazirlik daxilində kiminsə himayəçiliyi ilə o, öz qanunsuz əməllərinə davam etdırir”. Araşdırmalarımızla o da məlum olub ki,Nail Nəsibovun anası Milli Hidrometrologiya Xidmətinin rəisi Umayra Tağıyevanın ərinin rəhbər vəzifədə çalışdığı xəstəxanada həkim işləyir

P .S. Mənbə onu da bildirir ki, Umayra xanım Tağıyeva Nail Nəsibovun bu özbaşınalıqları barədə Nazirə düzgün məlumat vermədiyindən o,günü gündən daha da azğınlaşır. Ümid edirik ki, cənab Nazir Muxtar Babayev, əməkdaşının bu özbaşınalıqlarına qarşı ciddi tədbir görəcək
Mövzuya qayıdacağıq./Heqiqet carçisi.az