Fəal YAP-çı, Heydər Əliyev şəxsiyyətinin pərəstişkarı, kiçik sahibkarlıqla məşğul olan, Əzimov Eldəniz Yusif oğlu ilk növbədə Daxili İşlər Naziri cənab Vilayət Eyvazova və Baş Prokurorluğa, Dövlət Təhlükəsizlik Xidmətinə, Prezident Adminstrasiyasına, mətbuat orqanlarına da Qazax Polis Şöbəsinin rəis müavini Şakir Rüstəmov barəsində müraciət edib.

Müraciətdə deyilir:

"Hörmətli Vilayət Eyvazov cənabları!
Mən Qazax şəhərində qanunu sahibkarlıq fəaliyyətiylə məşğul oluram. 2 ədəd obyekt icarəyə götürüb işlədirəm. Ümumi toplam 12-15 nəfər şəxs fəaliyyətimizdən 250-450 azn məbləğində gəlir əldə edir. Cənab Prezident İlham Əliyev cənablarınında əsas siyasi dəsti xətti iş yerlərinin açılması, məşğulluq, və əhalinin dolanmasıdır.
Təqribən 2 ay bundan əvvəl Qazax polisində dəftərxanada işləyən Şəbnəm adlı qadının həyat yoldaşı və onun dostu Elçin mənim işlətdiyim obyektə saat 14.30 radələrində gələrək dava saldı və obyektin əşyalarını ora bura çırparaq dağıtdı. Mən 102 xidmətinə zəng etdim. Polis gələn kimi Şəbnəm xanımın həyat yoldaşı olan Ruslanı tanıdı. Ruslan polis işçilərinin yanında mənə və işçilərimə nəlayiq söyünclər işlədərək üzərimizə şüşə butulka və digər əşyalar atdı. Polis nəfərləri adekvat addımlar atmadı. Ruslana evə getməyi təklif etdi. Sonra Ruslanı xahişlə polis maşınına qoyub apardılar. Mən onların arxasınca gedirdim. Polislər Ruslanı şöbəyə aparmaq əvəzinə onu yolda düşürüb qaçırdılar. Mən şöbəyə çatıb onlardan Ruslanı və Elçini nəyə görə buraxdıqlarını soruşdum. Onlar Şəbnəm xanımın xatirinə buraxdıqlarını dedilər.
Həmin gün Şəbnəm xanımın həyat yoldaşı Ruslan yenidən mənim işlətdiyim obyektə gələrək orada dava dalaş salmışdır və işçiləri təhqir etmişdir. Ruslan dəfələrlə polisdən çəkinmədiyini və polisləri söyünc ifadələriylə söydüyünü şəxsən mənim özüm və işçilərdə eşitmişdik. Mən dəfələrlə polisdən Ruslanın islah olunmasını tələb etmişdim. Sonunda Qazax polisinin adekvat addımlar atmadığını görüb məcbur olub Qazax rayonun prokurorluğuna zəng edib cənab prokurora bu məsələnin məruzə olunmasını xahiş etmişdim.
Mənim prokurorluğa müraciət etməyim rəis müavini Şakir Rüstəmovu çox əsəbləşdirmişdi. Çünki Şakir Rüstəmov mənə bunu dəfələrlə demişdi. Məndə ona arqument olaraq bildirmişdim ki, Şəbnəmə görə ərinə bu qədər güzəşt etmək düzgün deyil. Şakir Rüstəmov sonunda mənə hədə qorxu gələrək mənə dərs verəcəyini açıq bildirdi.
Üç gündən sonra Şəbnəmin həyat yoldaşı Ruslan Urfan adlı digər şəxslə, 3-cü dəfə, təkrar edirəm üçüncü dəfə, yenidən obyektə gələrək obyekti darmadağın etdi. Kassa aparatı və digər əşyalar yerlə yeksan olunmuşdu. Hər ikisi əllərində böyük bir daşla orada oturan şəxslərin üzərinə atmışdır. Həmin gün mən yenədə 102 xidmətinə zəng edərək kömək çağırdım. Əməıliyyata Ülvü adlı müstəntiq gələrək dağıdılmış yerlərin fotolarını çəkdi və dəymiş zərəri hesabladıq. Təqribən mənə 250 azn zərər dəymişdir. Hal hazırda 40 günə qədərdir ki, nə cinayət işi açılıb, nə də ki mənim zərərim ödənilib. Əvəzində isə Qazax Polis Şöbəsi Şəbnəm xanımın əri Ruslanı müdafiə etmək üçün mənə qarşı geniş miqyaslı əməliyyatlar hazırlayır. Belə idarəçiliyin adı nədir? Mən hələdə bunu anlaya bilmirəm!
Xüsusi qeyd etmək istəyirəm ki, Şakir Rüstəmov məndən açıq aşkar pul istədi. Mən ona bir dəfə 100 azn Tahir Orucovun otağında, bir dəfədə 50 azn Şakir Rüstəmovun öz otağına Amil Budaqovun iştirakıyla vermişəm.

GundemXeber.Az