Son illər bir neçə rayonda kresloda saç-saqqal ağartmış icra başçıları dəyişir və yerlərinə cavan icra başçıları təyin olunur.

Açıq deyək ki, vəziyyət yaxşılığa doğru dəyişmir.
Kimlərsə, buna islahat-filan deyə bilər e, amma ortada nəticə olmalıdır axı.
Məsələn, uzun illər ( 1995-2018 ) Xəzər rayonunun icra başçısı olmuş Gülağa İslamov vəzifəsindən uzaqlaşdırıldı. Və...
Qısaca onu deyək ki, Gülağa İslamov 1948-ci ildə anadan olub və 45 yaşında güclə institut bitirmişdi.
2018-ci ildə onun nəvəsi yaşda olan Elşən Salahov Xəzər rayonuna icra başçısı təyin edildi.
Təsəvvür edirsiniz, oğlu yaşda deyil, nəvəsi yaşda gənc onun yerində icra başçısı oldu. Amma köhnə hamam, köhnə tas..
Yəni kadrlar gəncləşir, hətta ata-oğul deyil, baba-nəvə əvəzləməsi olur. Nəticə varmı ?
Buyurun Xəzər rayonunun misalında baxın və nəticə çıxardın.
Gülağa İslamovun vaxtından 149 saylı orta məktəbin direktoru olan Rəhilə Baxşəliyeva yenə “yerində sayır”.
Təkcə yerində saysaydı dərd yarı idi. Rəhilə müəllimə uzun illərdir ki, yerində oturub nə isə sayır.
Deyilənə görə, arxasını Gülağaya(GÜL AĞA) söykəmiş məktəb direktoru heç nədən çəkinmirmiş.
“Nə isə yığmaqla” ad çıxardan məktəb direktoru Rəhilə Baxşəliyeva keçmiş icra başçısının ''qara kassası'' olub. Bu məktəbin fəaliyyətində xeyli sayda neqativ hallar var. Direktor Rəhilə Baxşəliyeva keçmiş başçı Gülağadan qalma metodları davam etdirir. Hələ də məktəbdə “fond pulu”, “təmir pulu”, “könüllü yardım pulu” kimi rüsvayçı hallar davam edir. Bunlar azmış kimi məktəbdə çalışan müəllimlərdən də pul yığımı olur. Dərs bölgüsünə görə, əlavə dərs saatına görə pul ödəməlisən. Yuxarı siniflərdə rəhbər olmağın qiyməti Amerikansayağı 500 dəfə çox sağoldur. Qrup rəhbəri olmağın da öz qiyməti var. Təsəvvür edirsiniz məktəbdə 3000 şagird təhsil alır.
Beləcə yığılanlar icra başçısı ilə məktəb direktoru arasında ata malı kimi bölünürmüş. Bütün bunlar hamısı bəlli.
Bəs axı 2 ildir rayona yeni icra başçısı təyin olunub.
Təzə icra başçısı köhnə icra başçısının nəvəsi yaşdadır. Bəs məktəbin vəziyyəti niyə dəyişmir?
Təzə icra başçısı Elşən Salahov görəsən rayondakı məktəblərdən xərac yığan direktorlar barədə nə düşünür.
Yaxşı məktəb direktoru uzun illər arxasını keçmiş icra başçısı Gülağa İslamova söykəyib məktəbi bazara çevirmişdi.
Bəs bu gün məktəb direktoru Rəhilə Baxşəliyeva nəyə, kimə söykənib ?
Kimə arxayındır ki, köhnə əməllərini davam etdirir ?
Görəsən məktəb direktoru NAZİR EMİN ƏMRULLAYEVİ niyə saymır ?
Məktəb direktoru kabinetində müavinləri ilə söhbətində Nazir Emin Əmrullayev barəsində o dünənki uşaqdır o nə bilir idarəetmə nədir deyəndə başqa nələr düşünürdü ?
Deməli, heç nə dəyişməyib, cənablar !
Gundelik-baku.