Restoranda qidadan zəhərlənmə, vergidən kütləvi yayınma halları var...

Azərbaycanda son 30 ildə elə otel, restoran, kafe, şadlıq evi adlarına rast gəlirsən, lap mat-məəttəl qalırsan. Axı, doğma dilimizdə SARAY kimi gözəl söz varsa, PALACE ( yox bir palaz-kilim) haradan çıxdı. Bəs ölkənin əsas qanununda yazılıb ki, bu ölkədə dövlət dili Azərbaycan dilidir. Hətta HUQQA adında da restoran var. Görəsən, HUQQA nə deməkdir ?
Bu girişi nə üçün yazırıq ?
Redaksiyamıza Novxanıda yerləşən “La Chateau” restoranı ilə bağlı ilginc məlumatlar daxil olub.
Görəsən, restoranın sahibi bu sözün mənasını başa düşür, anlayırmı ? Əlbəttə, yox.
Nə isə, bu pandemiya-koronavirus bəlası cəmiyyətdəki bütün problemlərin, yırtıq-deşiklərin hamısını üzə çıxardı.
Bəzi ictimai-iaşə qurumları, restoranlar, kafelər dövlətin qərarlarına baxmayaraq karantin dövründə də gizli də olsa məclislərini keçirdir, pullarını qazanırlar. Bu adamlar başa düşmür ki, dövlət pandemiyanın qarşısını almaq üçün milyonlar xərcləyir, vaksini vətəndaşlara müftə-pulsuz vurur, imkansız insanlara yardım edir, hətta zərərçəkən iş adamlarına kompensasiya ödəyir. Bunu qarışılığında isə La Chateau kimi restoranlar insanların virusa yoluxmasına şərait yaradır və... deməli dövlət səviyyəsindəki vacib tədbiri pozurlar.
Görəsən, bunu La Chateau restoranının sahibi başa düşmür ?
Daha dəqiq desək, restoranın görünən sahibləri ( arxada kimin dayanması başqa məsələdir ) Şahin Xəlilov və Zaur adlı şəxs ölkə qanunlarına qarşı at oynadırlar ?
Karantin dövründə kütləvi rəqslərə, eyş-işrət məclislərinin keçirilməsinə kim icazə verib ?
Hətta etibarlı mənbənin verdiyi məlumata görə, 8 mart bayramında karantin qaydalarını pozaraq restoranda geniş məclislər keçirilib.
Görünən odur ki, restoranın sahibi heç kimi saymır. Hətta daxil olan məlumata görə, Qoşqar Təhməzlinin rəhbəri olduğu QİDA dövlət agentliyini də restorana buraxmırlar, bəlkə də “aylıq” verirlər.
Deyilənə görə restorandakı qidalardan zəhərlənmə halları olub və restoranda aksizi olmayan içkilər satılır.
Bəlli olan odur ki, restoran gündəlik haqq-hesabların çox az hissəsini sənədləşdirir, yəni vergidən kütləvi yayınır. Bəs Vergilər Xidməti hara baxır.
İnsan Alverinə qarşı Mübarizə Baş İdarəsi niyə burada baş verənlərlə maraqlanmır ?
Kim təminat verir ki, burada narkotikdən istifadə olunmur ?
Bir sözlə, Novxanıdakı “La Chateau” restoranında baş verənlər barədə dövlət qurumları ciddi düşünməlidir./gundelik-baku/