Bir Furolov var. Adam Lənkəranın Cil kəndində anadan olub. 1949-cu ildə anadan olan adam 19 yaşında digər həmyaşıdı olan kəndçilərindən fərqli olaraq, Buxarada “Mir-Ərəb” mədrəsəsində dini təhsilə başlayıb. Sovet İmperiyasının dinə qarşı qılıncının dalı da , qabağı da kəsən bir dönəmdə Paşazadə Allahşükür 12 il ərzində Qafqaz bölgəsinin dini rəhbəri seçilir. Uşağa desən gülməyi gələr ki, Sovet DTK-sında polkovnik rütbəsinə yüksəlmədən, Furolov ləqəbi almadan belə bir səviyyəyə çatmaq olar?…

Əlbəttə, yəqin bu yazıdan sonra şeyxə greyfrut qəlyanı hazırlayanlar buna cavab yazıb 20 yanvarda “saqqallı tat ərinin banlamağı”ndan tutmuş, Məkkədə Qarabağa dua etməyinə qədər çox şeylərdən yaza bilərlər. Yazsınlar və evlərinə çörək aparsınlar. Amma Kamran Bağırova, Əbdülrəhman Vəzirova, Ayaz Mütəllibova, Əbülfəz Elçibəyə, Heydər Əliyevə və İlham Əliyevə biət edib (məhz biət, dini baxımdan yox, siyasi baxımdan nəzərdə tuturuq) haqdan danışan adam elə vicdan axtarışında olmalıdır. Vicdanın harada və necə olduğunu bilməyən adamın şeyx olduğunu, “Allahu Əkbər” deyərək baş kəsən radikal dini cərəyanı Küveytdən maliyyələşdirən şeyxlərin vicdanına buraxırıq…

…Mənim Allahşükür bəyin (burada durub “məllim” yazmağı da fikirləşdim, amma düşündüm ki, adam kimə dərs deyibsə hər şeyi tərs deyib, “məllim” deməyə dəyməz. Sadəcə adını da yazmaq qeyri-etik olardı,”bəy”dedik ki, bəlkə adam  nə vaxtsa bəy olar) dini etiqadı, siyasi bağlılığı, maddi gəlirləri və narkoman qohumları haqda heç bir iddiam və iradım yoxdur. Özü və axtarışında olduğu vicdanı bilər. Amma getsin Şamaxıda villa tiksin, Lənkəranda təsərrüfat yaratsın, qudasının qayğısına qalsın, yeznələri ilə uğraşsın… Amma işin, gücün yoxdurmu, adam? İranlı bir agentlə Şuşada gəlib namaz qılmaq və o gədəni pişnamazda DURQUZMAQ vacib idimi? İstəyirsən, bu yazıda sənə dediklərindən daha pisini də deyim? O namazda sənin və pişnamazda olanın mahiyyətindən daha böyüyünü Azərbaycan əsgəri 44 günlük savaşda üzərində saxlayıb və daha yaxşı DURQUZA bilər. BRİLİYANT cümlə idi, eləmi?

CƏNAB ALİ BAŞ KOMANDAN! Sizin Şuşada obyekt açmaq istəyən nazirlərə barmaq silkələməyiniz yadımdadır. O zaman Şuşanın ancaq sizin nəzarətinizdə olmasına güvənib sevinmişdim. Bu gün Paşazadə Allahşükür yanında bir fars gədəsini, sabah Mehdiyev Ramiz yanında bir rus gədəsini, digəri də yanında hansısa bir moltanı götürüb gəlib Şuşada şou verəcəksə, ONDA BİZ NİYƏ DÖYÜŞDÜK Kİ?! Elə bu fars gədələri zəfər savaşından əvvəl də gəlib Şuşada tur atırdılar da… Bəlkə istəyirlər Şuşanı yenidən ermənilərə qaytaraq. Bax, burada üç nöqtənin yerinə üç barmaq işarəsi var!

NƏSİMİ Şərəfxanlı